Mama Bungiu adügübalin Mafia. Aban ánheli ladügübei Bungiu, dan lárigiñe aba ladügagun ánheli ligía lungua Máfiame o Satanási. Según gunfurandawa lan le lariñagubei Hesusu, mayeeniti meha Mafia ani máfarahadi ligía kei guentó. Aban meha hádangiñe lisaanigu Bungiu ha úaraguabaña sielu. (Aliiha huméi Huan 8:44.)

Ánheli le asaliragubei Máfiame, aba desidírü lan lebedaagun lun Bungiu ani aba ladügün lun giñe hóundarun Adán tuma Ewa luma lidan lebedaagun. Ligía guánarügü adügagubei lungua Máfiame, mini lan dimurei le “Marasualuguti”, luma Satanási, mini lan “Kóntürati”. (Aliiha huméi Agumesehani 3:1-5 luma Arufudúni 12:9.)

Ítara kei sun ha híbiri ánheligu ha ladügübaña Bungiu, ánheli le adügagubei lungua Máfiame líbüreti meha giñe lun desidírü lan anhein ladügübei lubéi le buídubei o le wuribabei. Le suserebei aba lan lígirun lun láhüchün ayumahani tidan lanigi lun háhuduragun gürigia lun, ani ábatima laweiridagun ayumahani ligía tidan lanigi sügǘ lau gaganbadi lun Heowá. (Aliiha huméi Matéu 4:8, 9 luma Santiagu 1:13, 14.)

Ka ladügübei Mafia lun gabafu lan hawagu gürigia? Lunti san wanufudedun luéi? Hadarirubei óunabagülei tidan Bíbülia.