Samina humá lun hamuga anihein lan aban sandi wéiriti huagu ani mosu hibugúniwa. Chóuruti háluahaña lan hamuga aban surusia le uágubei gayara lan hafiñerun sunsuinagubei, lugundun lúhaburuguñein hibagari. Súdinibei hamuga giñe lun hálügüdahan anhein adügañaha laali lubéi surusia le luwuyeri ibugúni le lunbei ladügüni huagu.

Susereti giñe aban katei libe lira luma relihión: mosu wakutihani buidu buidu. Anhein lídanñadün lubéi somu relihión, gayarati lariñawagún lúhaburuguñein lan hani relihión humadagua luma Bungiu o anhein hibihuba lubéi ibagari magumuchaditi.

Abahüdaguati Hesusu aban hénpulu le lunbei lahuudun lun lasubudirúniwa furangu ídatima liña lan aban relihión: “Sun tídibu wewe subudiwati luagu lin” (Lúkasi 6:44). Aban hénpulu, samina humá luagu somu relihión ani álügüdagua humá hungua ka lan lalubahabei relihión ligía. Wéiriti san lisudinin seinsu houn ha alidihabalin? Falá hamuti san lílana relihión ligía adundehani le tíchugubei Bíbülia luáguti wuribu luma laruman ibagari? Lárigiñe akutihani le, ka hasaminarubei? Anihein funa san somu relihión le uágubei gayara lan lafiñerúniwa? Ariha waméi.