Aganba lumutiña Bungiu gürigia ha lídangiñetiña sun fulasu (Sálumu 145:18, 19). Amisuraha lumutiwa tidan Bíbülia, to Lererun, lun wayanuhan luma luagu furumiñeguarügü katei le adiheridagüdübadiwa (Filipuna 4:6, 7). Gama lumoun, anihein furíei le mínsiñeti lun, kéiburi le furendei hamaali gürigia ani águyuguagüdarügü hamaali. (Aliiha huméi Matéu 6:7.)

Maganbun lumuti giñe hafurieidun ha desidírübaña magunfulirun hamani lilurudun (Ariñawagúni 28:9). Kei meha lidan binadu dan, máhati meha laganbuniña ísüraelina ha áfarahabaña. Kei warihini, lun laganbuniwa Bungiu mosu wagunfulirun fiú lúrudu. (Aliiha huméi Isaíasi 1:15.)

Anhein mafiñen wabéi, maganbun lubadiwa Bungiu (Santiagu 1:5, 6). Mosu wachoururuni luagu anihein lan ani saminati lan wawagun. Lun wibihini, mosu waturiahanu Lererun, lugundun subudi le wibihibei tídangiñe Bíbülia ligía lébunabei wafiñen. (Aliiha huméi Ebüréu 11:1, 6.)

Mosu giñe wafurieidun lau ǘnabuguni tídangiñe sun wanigi, ítara kei meha ladügüni Hesusu (Lúkasi 22:41, 42). Ligíati, lubaragiñe wariñaguni lun Bungiu ka lan lunbei ladügüni, lunti wáfaagun lun gunfuranda wamani ka lan labusenrubei wámagiñe. Ida luba wadügüni? Mosu waliihanu Bíbülia. Ítarati, úarabei wafurieidun luma lugundan. (Aliiha huméi 1 Huan 5:14.)