Sun adundehani le tíchugubei Bíbülia lun ñein lan ugundani lidan maríei huuti ladüga lúmagiñe Heowá liabin, le adügübalin maríei. Íderagua lumutiwa giñe adundehani ligía lun warufudun igaburi le íchuguti erei lun maríei ani wéridi lumutiwa luéi burí igaburi le gayarabei lagünrinchaguni maríei, arufudahati giñe woun ida luba lan wayanuhan wámagua. (Aliiha huméi Kolosana 3:8-10, 12-14.)

Mosu hóuserun maríeitiña lau inebesei hámagua. Dan le hánharun biángubei tun gárada to ru láaruboun Heowá houn kada aban keisi maríeitiña, gayarati gunda lan habagari. (Aliiha huméi Kolosana 3:18, 19.)

Gayarati herederun maríeitiña hámagua anhein hínsiñegua habéi hámagua. Arufudahati Bungiu woun ida luba lan warufudun ínsiñeni. Dandu Heowá kei Hesukrístu, le Liráü, rútiña aban hénpulu buiti lánina ínsiñeni le inarüniti. (Aliiha huméi 1 Huan 4:7, 8, 19.)

Dan le inebe lan maríei houn maríeitiña keisi aban aransehani le ladügübei Heowá, rédeitiña hámagua. Busenti Bungiu lun ladurarun maríei lun sun dan, lun gayara lan derebugu lan familia. Adüga lumuti Heowá wügüri adüga lumutu giñe würi lun gayara lan híderagun hámagua lidan sun katei. Ani lenege guánarügü ladügaña, lidan amu dimurei, lau ubafu lun háyeihani luwuyeri ínsiñeni le larufudubei. (Aliiha huméi Agumesehani 1:27 luma 2:18, 24.)