Gürigia ha hilaañabaña ítara haña kamá harumuguña lugundun masaminaruntiña ani siñati hadügün ni kata. Gama lumoun, gayarabei láguyuguagüdüniña Bungiu le adügübalin ibagari. Ligía líchugunbei ubafu lun Hesusu lun láguyuguagüdün saragu gürigia. (Aliiha huméi Apurichihati 9:5 luma Huan 11:11, 43, 44.)

Füramasehaali Bungiu danme lan lachülürün oura, sun lan hilaaña ha lídanbaña lisaminan háguyuguba lan lun hawinwandun lidan iseri ubóu le richabei. Busenhali Bungiu suntigabafu layusuruni lubafu lun lagiribudagüdüni habagari hilaaña houn. (Aliiha huméi Isaíasi 26:19.)

Ha lúnbaña háguyugun hasubudirubei kátaña lan ani hasubudirubaña giñe haduheñu hama hamadagu. Ani íbini ñalaali lanme hágubu, líchuguba Bungiu aban iseri úgubu houn, gama lumoun, hagiamémegiñame. (Aliiha huméi 1 Korintuna 15:35, 38.)

Háguyuguba gürigia ha lúnbaña hawinwandun sielu, ani murusunrügübaña anhein konpararü wamá hama ha lúnbaña hawinwandun ubouagu (Arufudúni 20:6). Hibe-agei háguyuguba lun hawinwandun ubouagu danme le paraísuhali Ubóu. Hagumeseruba aban iseri ibagari lau emenigini luagu móunwendigiaña lan. (Aliiha huméi Sálumu 37:29 luma Adügaü 24:15.)