Sedü sígulu lárigiñe labürüdǘn lani Mikeasi profesía ligía lagunfulirun: aba nasirua lan Hesusu, le Mesíasi, Belén. Kéiburi darandi irumu lárigiñe, lidan irumu 29 lidan wadaani, aba giñe lagunfulirun lani Danieli profesía luáguti liabin Mesíasi. Aba labadiseirun Hesusu ani aba lanúadiruni Bungiu lau sífiri sandu. Ítara liña, ‘adügawaguni’, Mesíasi le hanarimebei lagurabahóun, chülüti lidan dan le ariñawagúbei.

Weyuméme ligía, aba lagumeserun Hesusu “íchigei uganu buiti luagu larúeihan Bungiu” (Lúkasi 8:1). Ítara kei buga abürühóuali lan luagu, arufudati aban lan gürigia gudemehabuti le hínsiñehabuti houn gürigia. Arufudahati katei súdiniti lau ínsiñeni ani “areidaguagüda ligía sun luwuyeri sandi le hawagubei gürigia”, arufuda lumuti ítara luagu anihein lan Bungiu luma (Matéu 4:23). Sun gürigia ha meha asigirubalin, gürigia ha ámuñegueinarügüti harumudiri, ábanmeme hasaminan luma aban hádangiñe lani Hesusu disipulugu, ariñagatiña: “Darí wamaali Kristu [o Mesíasi]” (Huan 1:41).

Ariñagati meha Hesusu lubaragiñe lanme gabafu lan luagu Ubóu sunsuinagubei, ñeinbei lan wuribu, hárabaganali luma saragu amu turóbuli. Ligía líchugunbalin adundehani le: “Agagudúañu humá!” (Márükosu 13:37).

Aban meha wügüri mafigounti Hesusu ani súnwandan meha gaganbadi lan lun Bungiu. Gama lumoun, gáganiñuti meha ha áfarubalin hilagubei. Seriwiti lounwen keisi aban adagaragüdüni le úati mégeiti luagu ani ligíaba meha adüga lun hibihini gürigia katei burí le meha heferidirubei Adán tuma Ewa: ibagari magumuchaditi lidan aban paraísu.

Lounwen Hesusu luma láguyugun ǘrüwa weyu lárigiñe keisi sífiri gabafuti gúnfuliti giñe amu burí profesía. Lárigiñebei láguyugun, aba lasaliragun houn hóugiñe seingü-san hádangiñe lani disipulugu. Lubaragiñe lidin sielun, ru lumuti gumadi houn lánigu lun hayanuhan luagu luma luagu Larúeihan houn gürigia “ha lílana sun fulasu” (Matéu 28:19). Halía san lébeda hadügüni wadagimanu ligía?

(Sagawati lídangiñe Matéu, Márükosu, Lúkasi, Huan luma 1 Korintuna.)