Ruti láguyugun Hesusu afiñeni luma erei houn lani disipulugu. Kei hénpulu, aweiyasuhati meha apostolu Pábulu lidan sun fulasu le lídanbei Mediteraniu luma lidan Liraüraü Asia adüga iseri burí damuriguaü luma íchiga erei houn kristiánugu lun meha gayara lan derebugu hamá dan le hagagibudagun luma óuchawaguni o luma burí magíaguni. Kei resultóu, aba lasigirun óundaruni kristiánu awansera.

Íbini Pábulu daüwati. Ani lúmagiñe furisunrugugiñe, abürühati gárada burí lun líchugun erei luma adundehani houn lílana burí damuriguaü luma lun leweridiruniña luéi aban óunwenbu peliguru: agarabaaguni lun Bungiu. Lau lídehan lani Bungiu sífiri sandu, ariñagati luagu hebeluruba lan amu hadoun kei “lebelurun géigusi hadoun mudún” ani hariñaguba lan iyeeni lun “hafalaruniña afiñetiña” (Adügaü 20:29, 30).

Lúmounbei lagumuchun furumiñeti sígulu, gumeseeli meha agarabaaguni ligía. Kéiburi lidoun dan ligía, lárigiñe láguyugun Hesusu, yúsuti sínbolu burí lun lasubudiragüdüni lun apostolu Huan kaba lan meha asusereda ámuñegü. Ítara kei labürühan Huan, ni láganiñu Bungiu ni máisturugu yéetiña siñaguatiña houngua lun hararamuni lagunfulirun lisuuni Bungiu lun Ubóu luma houn gürigia. “Sun néchanigu, rasa luwuyerigu dimurei luma sun fulasu” haganbubei uganu buiti luáguti Larúeihan Bungiu (Arufudúni 14:6). Lachülürüba dan lun paraísu lan Ubóu, ani sun ha busenbaña hadügüni lugundan Bungiu hawinwanduba ñein.

Ma buiti uganu burí le? Anhein ítara liña lubéi harihini, akutiha humá luagu luganute Bungiu le tídanbei Bíbülia luma luagu ida liña lan gayara lan lanügün buiti hun guentó luma ámuñegü.

Gayarati haliihanu Bíbülia lidan Internet kéiburi lidan 50 iñeñein lidan www.pr418.com/cab Hadariruboun giñe garüdia Bíbülia ka uganu tídanbei?, Uganu buiti lúmagiñeti Bungiu, líburu Kátima san tarufudahabei Bíbülia? tuma amu burí agumeiraguagüdüni to afuranguagüdübalin ka lan uagu gayara lubéi wafiñerun tuagu Bíbülia luma ida luba lan wagunfuliruni lúrudu le tídanbei lidan wabagari luma hama waduheñu. Lun hibihin lanwoun ariñahani, ayanuha humá luma aban gefenti luagu Heowá.

(Sagawati lídangiñe Adügaü, Éfesuna, Filipuna, Kolosana, Filemón, 1 Huan luma Arufudúni.)