Lubaragiñe lamudeirun sielun lidan irumu 33, füramaseti Hesukrístu luagu lagiribuduba lan. Ariñagati ítara liña lan kei aban wügüri íñugutiña liduheñu le aweiyasuhabei lidoun aban fulasu díseti ani lárigiñe saragu dan aba lagiribudun lau ubafu lun urúei lan. Lagiribuduña lubeiti Kristu lun líchugun aban arúeihani le richati houn gürigia. (Aliiha huméi Lúkasi 19:11, 12.)

Ida liña lagiribudun Kristu? Aba láguyuguagüdüni Bungiu Kristu kei aban sífiri (1 Pedro 3:18, Reina Valera Actualizada). Aba lamudeirun sielun ani aba lañuurun luéigiñe lóunwenren Heowá (Sálumu 110:1). Dan lárigiñe aba líchugun Heowá, le “Weiriei Mutu”, ubafu lun lun larúeihaniña gürigia. Magiribudunbei lubeiti Hesusu lau úgubu le hani gürigia, lagiribuduba kei aban urúei marihúaditi. (Aliiha huméi Danieli 7:13, 14.)

Lagiribuduba hau lani ánheligu marihúaditiña lun haguseragüdüniña gürigia. Lagumuchaguagüdübaña wuribatiña, gama lumoun, líchuguba ibagari magumuchaditi houn ha inebehabubaña lun lugumadin. (Aliiha huméi Matéu 25:31-33, 46.)

Ladügübei giñe Ubóu ábanme paraísu, ani láguyuguagüdübaña hilaaña lun hagundaarun lau habagari lidan paraísu ligía. (Aliiha huméi Sálumu 37:29; Huan 11:25.)