Guñoun le lubaragiñebei lounwen Hesusu, ruti gumadi houn lani disipulugu lun haritaguni lani sákürifisiu. Yusu lumutu fein maganatu lébini tuma diwéin to funati ikolorun to luáguboun dábula lun ladügüni le subudiwabei kei lagumuhóun adineruni o Ladinerun Aburemei. Ábati lariñagun houn: “Adüga huméi le, haritaguagüleme nuagun” (Lúkasi 22:19).

Sagü irumu, óundaraguatiwa wagía gefentiña luagu Heowá lun waritaguni lagunfulirun Hesusu ábanya irumu lúmagiñe lounwen. Irumu le wadügübei aritaguagülei le leindi 14 lidan gádürü-hati, lárigiñe lálüdün Weyu.

Amisuraha wamutün lun hachülürün lidoun adamuridaguni le le ñeinba lubéi lafuranguagüdüniwa buidu buidu lisudinin lani Hesusu sákürifisiu. Mafayeihanbadün lun hebelurun. Anhein busén hubéi hasubudiruni kaba lan oura ani halíaba lan ladügǘwa adamurini le, álügüda huméi gürigia le íchugubarun garüdia to hun, o ariha huméi lidan wani páhina lidan Internet, jw.org/cab. Bürǘ huméi kaba lan weyu, mabulieidun humaamugei.