Aranserúati Ubóu le buidu lun ñein lan ibagari ligibuagu. Anihein duna le nófuti ubouagu, aban katei súdini lun sun le gabagaribei. Ligaburi ladügǘn Ubóu, ligaburi lagararahan geyegua lau weyu aranserúati buidu lun masaliragun lan lidunari sun barana yélume o lun mamabeidun lan barana. Gániti giñe aban kapa, o idaüdinaü, le adouragubei lau luéi lanarime lara weyu huáriñugu. Íbini animaalugu tuma burí tídibu wewe wínwantiña úara. Dan le harihini gürigia sun katei le, gíbetiña asaminarutiña luagu gasuuni lan ladügǘn Ubóu. (Aliiha huméi Isaíasi 45:18.)

Gama lumoun, añahein álügüdagutiña houngua anhein lisuuni lubéi giñe Bungiu lun aniheinbei lan marichaü luma asufuriruni. (Aliiha huméi 2 Lúrudu 32:4, 5.)

Adügǘwati Ubóu lun ábanbei lan fulasu buiti lun hawinwandun gürigia lidan ugundani, lun ñein lan inebesei hadan luma ínsiñeni luagu Bungiu le adügübaliña. Mini lan le luagu wéiritima lan lisuuni habagari gürigia hawéi animaalugu luma tídibu wewe. Wagía gürigia, gayarati gunfuranda wamani ka lan adügübaliwa ani gayarati wáyeihani línsiñehabu luma liricha. (Aliiha huméi Apurichihati 12:13 luma Mikeasi 6:8.)

Gayarati lagunfuliruni Bungiu sun le lasaminarubei ladügün, ligía gayara lubéi wachoururuni luagu lagumuchuba lan lau asufuriruni luma marichaü, ani ladügüba giñe lun aban lan lubuidun fulasu Ubóu lun hawinwandun gürigia lidan ugundani. (Aliiha huméi Sálumu 37:11, 29 luma Isaíasi 55:11.)