Garichati meha san Dawidi lun lagurabahan luagu leteniruba lan Bungiu lun? Téniti san Bungiu hun? Hénrenguti houn saragu gürigia hafiñerun luagu berese lan Bungiu suntigabafu hau. Ka uagu?

Ariñagatiña luagu wéirigu lan Bungiu hawéi gürigia lidan sun katei. Hanarimeti liñun darí lun “ítara haña [lan] gürigia lun kei aban lédederun duna, kei aban lagu kaliki lidan balansu” (Isaíasi 40:15). Darí lun lariñagun aban abürühati le mafiñenti anihein lan Bungiu: “Aban lanarime íñuguni hafiñerun gürigia luagu berese lan bungiu lau sun le hadügübei”.

Luagu amu oubaü, añahein saminatiña madüna hamani heresibiruni lídehan Bungiu ladüga katei burí le hadügübei. Abahüdaguati aban wügüri gíriti Jim: “Súnwandanha namuriahan luma Bungiu lun líderagunina lun nasansiruni ligaburi nóuserun, gama lumoun, anihein burí dan aba lan nagañidun saragu. Chülüti oura lun nasaminarun weiri lan nuriban ani ni lan Bungiu siñabei líderagunina”.

Wéiriti san lidise Bungiu darí lun míchugun lan fe luagu awanhein lan ya? Ka lasandirubei wawagu, wagía, gürigia gafigountiña? Gayarati wadariruni lóunabagüle álügüdahani burí le lau lídehan Bungiu. Gama lumoun, ariñagatu Lererun, to Bíbülia, luagu mama lan aban Bungiu le díseti wawéi ani berese lan wau. Ariñagati Adügaü 17:27 “madise lan Bungiu luéi kada aban wádangiñe”. Lidan gádürü arütíkulu le asigirubei warihibei le tarufudahabei Bíbülia luagu katei le luma ida liña lan larufuduni Bungiu berese lan hau gürigia, ani aünhei haganagua gürigia hagía.