Álügüdahani burí tuagu Bíbülia
Gayarati san híderaguniwa ánheligu?
Ítara kei íderagua hamani ánheligu Danieli, aban lubúein Bungiu, lidan dan le sügühalibei, íderagua hamutiña giñe gürigia uguñe weyu lun hasagarun buiti lídangiñe uganu tídangiñeti Bíbülia
Adügati Heowá saragu míñunu ánheligu lubaragiñe ladügüniña gürigia (Hobu 38:4, 7). Ánheligu ha wéiriti habafu ani seriwitiña lun Bungiu. Anihein dan óunaha lumutiña lun hadundehaniña luma lun hóunigiruniña lumutuniña ya ubouagu (Sálumu 91:10, 11). Uguñe weyu, híderaguñanu ánheligu gürigia lun hasagarun buiti lídangiñe uganu buiti le hapurichihabei lani Hesusu disipulugu. (Aliiha huméi Arufudúni 14:6, 7.)
Lunti san wafurieidun houn ánheligu lun híderaguniwa? Uá; aban luwuyeri áhuduraguni furíei, ani lúnrügübei Bungiu wáhuduragua (Arufudúni 19:10). Kei le lun lubéi Bungiu heseriwida ánheligu, gaganbaditiña lun le lariñagubei, mama lun le hamuriahabei gürigia. Ligía lunti lubéi wafurieidun lun Bungiu súnwandan lidan liri Hesusu. (Aliiha huméi Sálumu: 103:20, 21 luma Matéu 26:53.)
Añahein san ánheligu wuribatiña?
Ítara kei gürigia, adügǘwatiña ánheligu lau ubafu lun gayara lan hanúadiruni le buídubei o le wuribabei. Ani híruti gibe hamá desidírütiña maganbadi hamá lun Bungiu (2 Féduru 2:4). Satanási furumiñetibei ebedaaguti; lárigiñe, aba giñe hebedaagun amu ani aba hayabin lun máfianu hamá. Málügili habugún súngubei hagía siélugiñe lun ubouagun. (Aliiha huméi Arufudúni 12:7-9.)
Lúmagiñe irumu 1914, gíbetimarügaali wuribani luma anarimeni ubouagu. Arufudati katei le málübei lan Bungiu agumucha lau Satanási hama lumafianu. Ábameti ladügüni Ubóu paraísume. (Aliiha huméi Arufudúni 12:12 luma 21:3, 4.)