Bidéu lánina ebelaagülei tun líburu tídangiñetu Bíbülia
Katei le gayaraabei wafurendeiruni tídangiñe kada líburu to tídanboun Bíbülia.
Ariñahani tuagu líburu Agumesehani
Rutu líburu Agumesehani ariñahani súdiniti luagu hagumeserun gürigia abagarida ya ubouagu ítara kei ariñahani luagu lagumeseha asufuriruni luma óunweni.
Ariñahani tuagu líburu Áfuriduni
Sefu lumutiña Bungiu ísüraelina lídangiñe hamudirawagun Ehiptu ani anúadira lumutiña keisi néchani le deregeguaalibei lungua lun.
Ariñahani tuagu líburu Fádirigu
Afuranguagüdatu líburu Fádirigu lunti lan sandu wamá ladüga sandu lan Bungiu.
Ariñahani tuagu Furumiñetu liliburun Lúrudu
Furendei humá luagu lueirin lisudinin gaganbadi wamá lun Heowá, inebehabu wagíame houn ha írida láañabaña lun hadundehaniña lumutuniña.
Ariñahani tuagu Tibiaman liliburun Lúrudu
Ariha huméi arufuda lan Lúrudu le líchugubei Heowá houn ísüraelina hínsiñe hamá lumutuniña lun.
Ariñahani tuagu liliburun Hosué
Ariha huméi ida liña lan hárügüdüni ísüraelina fulasu le líchugubei Bungiu houn.
Ariñahani tuagu haliburun Alidihatiña
Bürüwati tidan líburu to hiri wügüriña ha ganigibaña lidan afiñeni ha layusurubaña Bungiu lun lesefuruniña ísüraelina hawéi háganiñu.
Ariñahani tuagu líburu Rudu
Tayanuhaña líburu Rudu tuagu aban nibureintu to óunwebei tani weiriei luma tuagu aban ágürü to giñe eferidirubaliña tiduheñu lidan óunweni luma luagu ida liña lan líchugun Heowá hafayeiruaha biángubei hagía.
Ariñahani tuagu furumiñetu liliburun Samueli
Ariha huméi ida liña lan lasansirun katei lidan ageiraü Ísüraeli lúmagiñe hadaani alidihatiña darí lumoun hagumeserun urúeigu.
Ariñahani tuagu tibiaman liliburun Samueli
Ariha huméi ida liña ladügün ǘnabuguni luma afiñeni le larufudubei Dawidi lun ligía lan aban hádangiñe gürigia létima hínsiñewabei ani le subudiwabei.
Ariñahani tuagu Furumiñetu haliburun Urúeigu
Sügütiña ísüraelina lídangiñe hawinwandun lidan lubuidun dan lábugiñe larúeihan Salomón lun hawinwandun lidan lénrengunga lábugiñe bián arúeihani: Ísüraeli luma Hudá.
Ariñahani tuagu Tibiaman haliburun Urúeigu
Ariha huméi ida liña lan lagadeirun arúeihani le nórutebei Ísüraeli ladüga háhuduragun lílana houn búngiugu mama inarünitiña; biní lumutiña Heowá ha úaragubaña lun.
Ariñahani tuagu Furumiñetu liliburun Krónikasi
Furendei humá luagu libagari urúei Dawidi le meha úaraguabei lun Bungiu, lúmagiñe libihin ubafu keisi lurúeite Ísüraeli darí lounwen.
Ariñahani tuagu Tibiaman liliburun Krónikasi
Ariha huméi ida liña lan larufuduni abahüdaguni hawaguti lurúeitegu Hudá lisudinin úaragua lan gürigia lun Bungiu.
Ariñahani tuagu liliburun Neemíasi
Tidan liliburun Neemíasi dariwati lubuidun burí arufudahani le huuti houn sun lubúeingu Bungiu uguñe weyu.
Ariñahani tuáguti tiliburun Esütérü
Adügati sügǘ burí le asuseredubei lidan tidaani Esütérü lun wafiñerun gayara lan lesefuruniña Bungiu lubúeingu lídangiñe furumiñeguarügü lénrengunga.
Ebelaagülei tun liliburun Danieli
Sigiti Danieli úaragu lun Heowá úara hama lupaanágu íbini hagagibudagun luma turobuli. Gayaraati lahuudun woun uguñe weyu igaburi le arufudubei úara luma lagunfulirun profesía burí le lidan lidaani lagumuhóun dan.
Ebelaagülei tun liliburun Oseasi
Anihein adundehani le huuti woun uguñe weyu lidan profesía le labürühabei Oseasi luáguti lugudemehabu Heowá houn gürigia wuribatiña ha asakürihabaña luma giñeti ligaburi áhuduraguni le labusenrunbei.
Ebelaagülei lun Hoeli
Ayanuhati Hoeli luagu luéyuri Heowá ani ariñaga lumuti kaba lan adügǘwa lun lesefuruni gürigia libagari. Ani lunti gaganbadiwa lan lun lani profesía lau lóufudagun.
Ariñahani tuagu liliburun Amosu
Yusu lumuti Heowá wügüri ǘnabuguti le lun lagunfulirun lau aban wadagimanu súdiniti. Ka burí katei súdiniti gayaraabei wafurendeirun lídangiñe lani Amosu hénpulu?
Ariñahani tuagu liliburun Abüdíasi
Tuguya líburu ñǘraütimaboun tídangiñe sun to lídanboun Abürüdǘni Ebüréu. Ruti profesía le tídanbei emenigini ani füramaseti larufudubei lan Larúeihan Heowá liricha lun lagumadihan ubouagu.
Ariñahani tuagu liliburun Honasi
Ánhati profeta ligía lun ererehani, gúnfuliti lau lidasi, ani arufudahóuati aban leksióun súdiniti lun luagu línsiñehabu luma lugudemehabu Bungiu. Lachülürüba le lásügürübei profeta le tidoun hanigi.
Ariñahani tuagu liliburun Mikeasi
Derebugüda lumuti profesía lúmagiñeti Bungiu le wafiñen luagu mamuriahanti lan Heowá wama lun wadügün katei le siñá wamuti adüga, amuriaharügüti wama lun wadügün katei le anügübei buiti woun.
Ariñahani tuagu liliburun Naún
Adügati profesía lun wachoururuni gúnfuli lani Heowá lani füramasei súnwandan ani ru lan dǘgüdaguaü houn ha áluahabaña darangilaü luma esefuruni lábugiñe Larúeihan.
Ariñahani tuagu liliburun Abakúku
Chóurutiwa subudi lumuti lan Heowá igaburi le buídutimabei lun lesefuraña lubúeingu luma ídatima luba lan ladügüni
Ariñahani tuagu liliburun Malakíasi
Aban profesía le arufudubalin igaburi masansiraguaditi le luágubei Heowá kéiburi gudemehabu luma ínsiñeni. Furendeitiwa giñe katei burí súdiniti le huuti woun uguñe weyu.
Ariñahani tuagu liliburun Matéu
Aliiha huméi ariñahani méiniti le tídanbei líburu tídangiñetu Bíbülia to gíriboun Matéu, to furumiñetuboun lídangiñe gádürü ewanhéliu.
Ariñahani tuagu liliburun Márükosu
Liliburun Márükosu ewanhéliu le ñǘraütimabei ani arufudati murusun lídangiñe lubafu Hesusu keisi lurúeite Larúeihan Bungiu le lunbei liabin.
Ariñahani tuagu liliburun Lúkasi
Ka ariñahani móubati lídanbei ewanhéliu le labürüdübei Lúkasi?
Ariñahani tuagu liliburun Huan
Wéiritimati layanuhan Huan luagu ínsiñeni le lasandirubei Hesusu hawagu gürigia, ǘnabuguni le larufudubei luma larufuduni ligía lan Mesíasi le lunbei urúei lan lidan Larúeihan Bungiu.
Ariñahani tuagu liliburun Adügaü
Nadagimeintiña furumiñetiña kristiánugu saragu lun hadügün disipulugu ha lídangiñetiña sun ubóu. Ariñahani tídangiñetu Bíbülia tídangiñe líburu to gíriboun Adügaü, gayaraati tíderagunün lun hapurichihan lau ubebeni.
Ariñahani tuagu gárada houn Rómana
Ariñahani le labürügüdübei Heowá lun lafuranguagüdüni ua lan himei lan aban gürigia luéi amu luma weiri lan lisudinin lafiñerúniwa luagu Hesukrístu.
Ariñahani tuagu Furumiñetu gárada houn Korintuna
Tidan gárada Pábulu, gayaraati wadarirun adundehani lúmagiñeti Bungiu luagu úarani, ligaburi wawinwanduni wabagari, ínsiñeni, luma luagu afiñeni luagu águyuguni.
Ariñahani tuagu Tibiaman gárada houn Korintuna
Aranseñu liña Heowá lun líchugun gurasu, ídemuei luma erei houn lubúeingu.
Ariñahani tuagu gárada houn Galasiana
Húugiru gárada to meha labürüdüboun Pábulu houn galasiana woun uguñe weyu, ítara kei meha tahuudun lidan dan le ídanbei tabürüdǘwa. Gayaraati tíderaguniña kristiánugu lun hasigirun óusera lau úaraguni.
Ariñahani tuagu gárada houn Éfesuna
Ayanuhatu gárada to to adügǘboun lau lídehan Bungiu luagu lauba lan lídehan Hesukrístu lagunfulirei Bungiu lisuuni le luáguti ñein lan darangilaü luma úarani.
Ariñahani tuagu gárada houn Filipuna
Gayaraati wínchahaniña amu lun úaragua hamá ánhawa úaragua dan le wásügürüña lan lídangiñe lénrengunga.
Ariñahani tuagu gárada houn Kolosana
Gayaraati gunda lan Heowá wau lau wadügüni le wafurendeirubei, feruduna wamaniña amu luma wánharun lun lubafu luma lubara Hesusu le súdinibei.
Ariñahani tuagu Furumiñetu gárada houn Tesalónikana
Mégeitiwa agagudúañu wamá lidan wamadagua luma Bungiu, wachoururuni sun katei, wafurieidun sun dan luma wíchugun gurasu wóuniwagua.
Ariñahani tuagu Tibiaman gárada houn Tesalónikana
Íderagua lumutiña Pábulu asansirei saminaü charati le hawagubei libügürü lachülürün luéyuri Heowá, ani ínchaha lumutiña líbirigu lun derebugumeme lan hafiñen
Ariñahani tuagu Furumiñetu gárada lun Timotéu
Abürüha lumutu Pábulu furumiñetu gárada lun Timotéu lun lafuranguagüdüni ida luba lan ladügüni katei lidan damuriguaü, líchugun eweridihani tuagu relihión mama inarünitu luma línsiñegu seinsu.
Ariñahani tuagu Tibiaman gárada lun Timotéu
Ínchaha lumutiwa Pábulu Timotéu lun lagunfulirun lau lani ministeriu buidu buidu
Ariñahani tuagu gárada lun Titu
Ruti Pábulu adundehani tidan gárada lun Titu lun laranserún turobuli burí le lídanbei damuriguaü le Küretabei.
Ariñahani tuagu gárada lun Filemón
Rutu tubuidun gárada ñǘraütu to adundehani huuti le lánina ǘnabuguni, lubuidun igaburi luma luagu gíchigadi lan gürigia ferudun.
Ariñahani tuagu gárada houn Ebüréu
Wéiritimati lisudinin áhuduraguni kristiánu sügǘ meha tau ténpulu o sákürifisiu hani animaalugu.
Ariñahani tuagu ligaradan Santiagu
Yúsuti Santiagu lanarime burí hénpulu lun lafuranguagüdün fiu katei súdiniti luáguti habagari kristiánugu.
Ariñahani tuagu Furumiñetu ligaradan Féduru
Ínchaha tumutiwa Furumiñetu ligaradan Féduru lun beresegu lan wakipuragun woungua lidan weseriwidun lun Bungiu luma lun wabahüdaguni sun wadiheri lun.
Ariñahani tuagu Tibiaman ligaradan Féduru
Ínchaha tumutiwa Tibiaman ligaradan Féduru lun úaragua wamá lun Bungiu sunme awanha lan agurabahei iseri sielu luma iseri ubóu.
Ariñahani tuagu Furumiñetu ligaradan Huan
Rutu ligaradan Huan eweridihani woun hawagu láganigu Kristu ani luagu le lunbei hínsiñe lan woun luma le lunti mínsiñe lan woun.
Ariñahani tuagu Tibiaman ligaradan Huan
Haritaguagüda lumutiwa tibiaman ligaradan Huan lunti lan wasigirun éibuga lidan lémeri inarüni ani lunti lan wóunigiragun woungua hawéi yéetiña.
Ariñahani tuagu Tǘrüwan ligaradan Huan
Rutu Tǘrüwan ligaradan Huan aban lubuidun arufudahani houn kristiánugu luáguti gíchigadi.
Ariñahani tuagu ligaradan Húdasi
Arufudati Húdasi saragu igaburi le ídanbei háluga wuribatiña hagadeiruni damuriguaü.
Ariñahani tuagu liliburun Arufudúni
Arufudati Arufudúni burí le tídanbei líburu Arufudúni ida luba lan lagunfuliruni Larúeihan Bungiu lisuuni houn gürigia luma lun Ubóu.