Hanúadiruña gürigia aban katei súdiniti: ka lan habusenrunbei kei gumadimati.

 Ka tariñagubei Bíbülia libügürü katei le?

 Ayanuhatu Bíbülia luagu le hásiñarubei gürigia adüga kei gumadimatiña.

•   “Míchiga huméi hafiñen hawagun gürigia wéirigutiña, wügüriña ha siñati hesefuhan, ladüga dan le hounwen, aba hasaliragun kalikime, ani lídanmeme weyu ligía lagumucha le hasaminarubei hadügün” (Sálumu 146:3, 4).

 Sun gumadimatiña chülüti oura lun hóunwegun, ka lan yebe haweirigunbei o le hayaraabei adüga. Íbini adüga hamá katei buiti, siñati hachoururuni le lunbei hadügüni ha lúnbaña hagumadihan hárigi (Apurichihati 2:18, 19).

 Le linarün katei, afuranguagüda tumuti Bíbülia madügüntiña hama gürigia lun harúeiha hóuniwagua.

•   “Aburemei, subudi numuti luagu mama lan wügüri laburemebei libagari” (Heremíasi 10:23).

 Anihein funa san aban wügüri le gayaraati gumadimati lan le buiti?

 Afuranguagüda tumuti Bíbülia íridaali lan Bungiu lun gumadimati lan gürigia le aransetimabei, gafiñeruadi ligía luagu, Hesukrístu gürigia ligía (Sálumu 2:6). Ligía lurúeitebei Larúeihan Bungiu, siéluñein arúeihani le ani ñéingiñeba lagumadiha (Matéu 6:10).

 Hanúadiruñein hamuga san Hesusu lun ligía lan gumadimati? Ariñaga tumuti Bíbülia ka lan uagu súdini lubéi anúadiruni le:

•   “Ru huma uéiriguni lun irahü, anhein madügün humá lagañiduba Bungiu huma ani sun huguya hóunweguba ǘmada, ladüga ménrengunti lun lagañidun. Fuleseiwatiña ha afiñebaña luagu!” (Sálumu 2:12, TNM).

 Guentó lidaanibei anúadahani. Kei le aubei tariñagei Bíbülia lidan aban profesía, gumeseti Hesusu arúeiha lidan irumu 1914. Ariñagati giñe aban profesía, madiseeli lan lun lagidaruniña Bungiu urúeigu ha guentobaña (Danieli 2:44).

 Anhein busén hubéi hasubudiruni kaba lan hadüga lun gayara lan hídehan lidan lagumadihan Hesusu, aliiha huméi ariñahani “Ragǘ humá guentó luéigiñe lóubadina Larúeihan Bungiu!”