•    “Hiibe-agei gürigia ha wéinamuhañabaña Meriga sandiguatiña houngua hábuguarügüñanu lan. Wéiritimati lasuseredun lira hadan gürigia ha gúnfulihaña labadinagua 18 darí 25 irumu” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Ariñahani lúmagiñeti liñun-agei lúrudu le arihibei lau hátuadi gürigia Meriga luáguti hasandiragun gürigia hábugua], irumu 2023).

•    “Ariñagaaru [OMS] tóundaruba lan aban sétanu lun híderaguniña gürigia ha asandiragubaña houngua hábugua —ladüga gadei lumuti turobuli le átuadi—, lau hínchahaniña gürigia anaagua houngua buidu hama amu luma lun háluahan amu burí lárani turobuli le lidan sun burí ageiraü, íbini le gudemebei” (Óundaruni to Arihiboun lau Átuadi lidan sun Ubóu, 15 lidan unsu-hati, irumu 2023).

 Rutu Bíbülia adundehani le buiti lun gayara lan hanaagun gürigia houngua buidu hámagua.

 Madüga humá saragu katei le lunti hadügüni hábuguarügü. Laganagua burí katei le, anihein wéiriya lan layusurún páhina lánina hadügǘn umadagu lidan Interneti. Lubaragiñe lira, áfaagua humá lun hóundarun hama amu gürigia lun hásügürün dan úara luma lun hadügün umadagu buítiña.

•    Bérusu tídangiñeti Lererun Bungiu: “Aban umadaü, súnwandan buidu lan, ítara liña kei aban íbiri lidan lidaani idiheri” (Ariñawagúni 17:17).

 Áluaha humá chansi lun híderagun amu. Dan le wadügün katei buiti hawagu amu, adügati lun buídutima lan wanaagun woungua hama, lanwoun lira, buiti wasandiragun woungua ani gúndaatimatiwa

•    Bérusu tídangiñeti Lererun Bungiu: “Gúndaatimáati le íchugubei sügǘ láu le erésibirubei” (Adügaü 20:35, Lerérun Búngiu to Lánina Iséri Darádu).

 Heiba lidoun wani páhina lidan Interneti anhein busén hubéi hasubudirun amu burí adundehani tídangiñeti Bíbülia lun líderagunün adarira umadagu buítiña.