Weyu leindi binaafin, 10 lidan diisi-hati, irumu 2022, agayuahati Rusia tau burí misili luagun átiri uburugu Ukrania. Lóunabagüle Rusia le lun aban aduuruni le asuseredubei bián weyu lubaragiñe, le adügübei damichi tun aban burichi to áfadagubalin Krimea luma Rusia. Murusun dan lubaragiñe, eweridihaaña meha átiri lánigu polítika libügürü liabin Arümahedón.

•   “Lúmagiñe lidaani Kennedy [lurúeite Meriga] luma turobuli le meha lanügübei tidaani misili Kuba, mayarafadungidiwa lun Arümahedón kei guentó. […] Mafiñentina ánhawa manügün lan tayusurún burí áruma gagünrinchaguaditu lidoun Arümahedón” (Joe Biden, lurúeite Meriga, 6 lidan diisi-hati, irumu 2022).

•   “Ariha numuti giñe keisi le, kei Arümahedón; denchaü le lun sun ubóu” (anihán le lariñagubei Volodímir Zelenski —lurúeite Ukrania —danbei le lalügüdǘn libügürü le lanügübei tayusurún áruma gagünrinchaguaditu; BBC News, 8 lidan diisi-hati, irumu 2022).

 Gayaraati san lanügüniwa tayusurún áruma gagünrinchaguaditu lidoun Arümahedón? Ka san tariñagubei Lererun Bungiu?

 Uá. Dimurei Arümahedón ábanrügüñein wéiyaasu láfuachun tidan Lererun Bungiu, lidan Arufudúni 16:16. Ani mama layanuhaña luagu hawuribuhan néchanigu hámagua, lubaragiñe lira, layanuhaña luagu luwuribun Bungiu hama “sun urúeigu ha ubouagubaña” (Arufudúni 16:14). Layusurubei Bungiu wuribu Arümahedón lun lagumuchun lau sun harúeihan gürigia ubouaguna (Danieli 2:44).

 Lun laganwoundun hisubudin libügürü le lunbei lasuseredun lun ubóu le lidan Arümahedón, aliiha huméi arütíkulu “Ka san Arümahedónbei?”.

 Uá. Gayaraati hayusurunu urúeigu tuwuyeri áruma to ámuñegü, lau sun lira, mígirunbei Bungiu lun lagumuchún lau Ubóu. Ariñagatu Lererun Bungiu:

•   “Masansiragunti ubóu” (Apurichihati 1:4).

•   “Galangantehabei gürigia buítiña múa, haganóuba giñe lidan súnwandan” (Sálumu 37:29).

 Lau sun lira, arufuda laali profesía le tídanbei Bíbülia luma burí sügǘ le warihibei uguñe weyu ubouagu, wawinwanduña lan lidan aban dan hénrenguti (Matéu 24:3-7; 2 Timotéu 3:1-5). Ariha huméi le tariñagubei Bíbülia luagu ámuñegü lau haturiahanu Lererun Bungiu.