Dan le ya lubéi Hesusu ubouagu, arufudati hínsiñe hamá gürigia lun saragu, darí lun líchuguni libagari hawagu. (Matéu 20:28; Huan 15:13). Yarafa madise larufuduba ábanya wéiyaasu weiri lan wínsiñe, kei ligía lan urúeibei lidan Larúeihan Bungiu, lagumuchaguba lau wuribu “chülǘ lumoun lagumuhóun larigeirugu ubóu” (Sálumu 46:9).

  Ariha humá ka lan tariñagubei Bíbülia luagu le lunbei ladügüni Hesusu:

•     “Lesefurubaña gudemetiña ha ayumuragubaña, hama giñe ha míderawagunbaña. Gudemehabubei houn ha gudemebaña, lesefurubei habagari gudemetiña. Lesefurubaña hawéi ha óuseragubaliña” (Sálumu 72:12-14).

 Ida luba warufudun eteingiruni luagu le adüga láalibei luma le lunbei ladügüni Hesusu wawagu? Lidan Lúkasi 22:19, ariñagati Hesusu houn lani disipulugu lun haritaguni lounwe. Ligíati, sagü irumu óundaraguatiña gefentiña luagu Heowá lun haritaguni ábanya irumu lúmagiñe lounwen Hesusu. Agunbiraha wamutün lun hóundarun wamá lidoun Laritaguagüle lounwen Hesusu, dimaasu 24 lidan ǘrüwa-hati, irumu 2024.

Halía gayara lan hidin lidoun Laritaguagüle lounwen Hesusu