Lidan sun ubóu, lañawarihañein fuludu habagari saragu gürigia. Ariha huméi ñunsu burí le:

•    “Fiu weyu lubaragiñe le, áhuyati aban lanarime huya uburugu le ichügüdinaübei China. Sügühali kéiburi 140 irumu lúmagiñe máhuyun lan aban huya hanarimeti lere ítara. Lúmagiñe samudi darí luagu-ǘrüwa, áhuyati 29.3 incha duna” (Ñunsu AP, 2 lidan widü-hati, irumu 2023).

•    “Lúmounbei luagu-gádürü, barühali herigini le gíribei Khanun bián weyu adüga lun láhuyun saragu luma lun láfuragun garabali héreti luagun suru libiti Hapón. Adügati le lun hóunwegun kéiburi bián gürigia. Agurabúati lun láhuyun 2 ugudi duna luagun Lamidan Ubouhu Taiwán le ñein lubéi saragu wübü” (Deutsche Welle, 3 lidan widü-hati, irumu 2023).

•    “Samudi luma dimaasu, áhuyati huya le héretimabei luagun louba Barana Atlántiku libiti Kanadá, le anügübei fuludu luagun [Newaeskósia]. Sügühali 50 irumu lúmagiñe masuseredun lan aban fuludu ítarati” (Ñunsu BBC, 24 lidan sedü-hati, irumu 2023).

 Ka tariñagubei Bíbülia luagu sügǘ burí le?

 Wawinwanduña lidan aban dan le unbei tagúaha Bíbülia “lagumuhóun dan” (2 Timotéu 3:1). Ariñagati Hesusu lidan profesía lidan lanme wadaani larihúba burí lan “katei hanufunati” (Lúkasi 21:11). Adügati lasansirun ligaburi dan lun gabügürügua lan lasuseredun sügǘ burí ítarati, lun hanarimetima lan luma lun lasuseredun sódini.

 Ariñagatu Bíbülia woun arufuda lan katei burí le anügübei fulasu uguñe weyu luagu málühali lan katei buiti asusereda. Ka uagu? Ariñagati Hesusu: “Danme giñe le harihini lasuseredun burí katei le, subudi huméi luagu madiseeli lan lidaani Bungiu lun larúeihan” (Lúkasi 21:31; Matéu 24:3).

 Arufudati sügǘ burí le warihibei uguñe weyu, málühali lan Larúeihan Bungiu adüga lun masuseredun lan katei ítarati, ani gabafubei luagu ligaburi dan, íbini luagu huya (Hobu 36:27, 28; Sálumu 107:29).

 Lun hasigirun afurendeira luagu ida luba lan laransehóun turobuli le lábugiñe Larúeihan Bungiu, aliiha huméi ariñahani le gíribei “¿Quién salvará el planeta?”.