AGAGUDÚAÑU HUMÁ!
2023: Aban irumu buin lau idiheri | Ka tariñagubei Bíbülia?
Adügati katei burí le asuseredubei lidan sun ubóu lidan irumu 2023 lun wachoururuni luagu wawinwanduña lan lidan dan le unbei tagúara Bíbülia “lagumuhóun dan” (2 Timotéu 3:1). Ariha humá fiu lídangiñe sügǘ le meha tíridubei Bíbülia lidan profesía ani warihiñein uguñe weyu.
Le tariñagubei Lererun Bungiu luma burí katei le asuseredubei ubouagu
“Wuribu [...] luma uganu luáguti burí wuribu” (Matéu 24:6).
“Aganwoundeina liña awuribuhani lidan ámuñegueinarügü fulasu ubouagu”. a
Aliiha huméi ariñahani le gíribei “Kaba esefuraña lílana ageiraü?” luma “El gasto militar mundial sobrepasa los 2 billones de dólares”.
“Ñeinbei hárabaganali lidan saragu fulasu” (Márükosu 13:8).
“Lúmagiñe lagumeserun irumu 2023, dagaali 13 hárabaganali lidan sun ubóu le chülüti lere dagá 7 o lóugiñe. Lúmagiñe lamisurahóun lere hárabaganali, anihán furumiñe larihíniwa aban le wéiriti lere ítara”. b
Aliiha huméi ariñahani le gíribei “Hárabaganali le hanarimeti lere lidan ageiraü Turükía luma Siria”.
“Larihúba burí katei hanufunati” (Lúkasi 21:11).
“Süti meha katei ubouagu, ánheinti guentó, láhurahaña” (António Guterres, seküretáriu le tídanbei Óundaruni hani néchanigu). c
Aliiha huméi ariñahani le gíribei “Ola de calor mundial en el 2023”.
“Ñeinbei ilamaü” (Matéu 24:7).
“Irumu 2023: Ábanya irumu le hanarimeti lénrengun houn ha áfaagubaña lun hanuriahaniña haduheñu”. d
Aliiha huméi ariñahani le gíribei “La guerra y el cambio climático empeoran la crisis alimentaria mundial”.
“Weyu hénrenguti” (2 Timotéu 3:1).
Aliiha huméi ariñahani le gíribei “Aganwoundeina liña lisandi ichügü hadan nibureintiña”.
Ka gayaraabei wagurabuni lubá irumu 2024?
Úati ni aban le gayaraati lariñaguni lau ichouruni kaba lan asusereda lidan irumu 2024. Lau sun lira, sun le warihibei, arufudati madiseeli lan lagumuchun Larúeihan Bungiu lau harúeihan gürigia luma lau sun le adügübei lun wasufurirun (Danieli 2:44; Arufudúni 21:4).
Súnmeti awanha lan agurabaha lun lasuseredun lira, gayaraati wamuriahan ídemuei luma Bungiu danme le nidiheri wamá. Ariñagatu Bíbülia:
“Buagu nemenigida, lidan nanufude” (Sálumu 56:3).
Ida luba warufuduni luagu afiñe wamá luagu Bungiu? Agunbiraha wamutün lun hafurendeirun luagu füramasei le tídanbei Bíbülia luáguti masufurirúnhaña lanme gürigia ámuñegü. Houcha huméi ida liña lan aturiahani tídangiñeti Bíbülia le wíchugubei maguburahanga luagu lun harihini ka lan lunbei hadügüni lun harihini lagunfulirun le füramase tubéi Bíbülia.
a Foreign Affairs, “A World at War: What Is Behind the Global Explosion of Violent Conflict?” (Aban ubóu le buinbei lau wuribu: Ka lanagangiñebei awuribuhani hanarimeburiti le ubouagubei), ariñahani le tabürüdübei Emma Beals luma Peter Salisbury, 30 lidan diisi-hati, irumu 2023.
b Earthquake News, “Year 2023: Number of Major Earthquakes on Course for Record” (Ñunsu luáguti hárabaganali, “irumu 2023: Lachülüra dan lun ligía lan irumu létima ídanbei gíbetima lan hárabaganali adagaruti sügǘ lau lidan amu dan”), seingü-hati, irumu 2023.
c Óundaruni hani Néchani, “Secretary-General’s Opening Remarks at Press Conference on Climate”, (Le lariñagubei seküretáriu tidan aban periodiku luáguti ligaburi dan”), 27 lidan sedü-hati, irumu 2023.
d World Food Programme, “A Global Food Crisis”, (Aransehani lun ñein lan éigini lidan sun ubóu, “Likesin éigini ubouagu”).
e World Health Organization, “World Mental Health Day 2023” (Óundaruni to Arihiboun hau Sánditiña lidan sun Ubóu, “luéyuri letenirún lun lisandi ichügü, irumu 2023”), 10 lidan diisi-hati, irumu 2023.
Háfuga hínsiñebei lan giñe le hun
ARUFUDAHANI TÍDANGIÑETI BÍBÜLIA LE SÚDINITI
Katei san Larúeihan Bungiu?
Ayanuhatimati Hesusu luagu Larúeihan Bungiu sügǘ lau luagu amu katei. Íbini sügühali lan saragu sígulu, sigitiña gürigia afurieida lun liabin larúeihan Bungiu arúeiha ubouagu.
AGAGUDUABÁ!
Le gayaraabei hadügüni anhein gíbeya lubéi katei lun hichügü
Ariha huméi adundehani huuti le lunbei líderagunün anhein sandí hubéi gíbeya lan katei lun hichügü ani gayaraati líderagunün lun maweirin lan hasandiruni lira
WAWAGU
Amuriaha humá habisidahóun
Ayanuha humá hama gefentiña luagu Heowá luagu óunabagülei le tíchugubei Bíbülia lun somu álügüdahani o lúntima hasubudirun hawagu.
