“Ladügarügü lagumuchun COVID-19 kei aban sandi le lunti letenirún lun lau lóufudagun, moun lumuti wasaminarun madügünhali lan damichi lidan hátuadi gürigia ubouagu [...]. Chouru wamuti ñéinyabei lan ábaya pandemia yarafa madise —mosu aranseñu wamá lubá” (Surusia Tedros Adhanom Ghebreyesus, le arihibei tau Óundaruni to Arihiboun lau Átuadi lidan sun Ubóu, 22 lidan seingü-hati, irumu 2023).

 Hagagibudaguña saragu gürigia luma wuribani le lígirubei sandi COVID-19 dandu lidan hágubu kei lidan hasaminan. Aranseñu haña san gumadimatiña tuma burí óundaruni to arihiboun lau hátuadi gürigia lubá ábanya pandemia luma lun hetenirun lun sandi le úmabei wagagibudagua uguñe weyu?

 Ayanuhatu Bíbülia luagu aban arúeihani le lunbei larihin lau wátuadi. Ariñagatu: “Ladügüba Bungiu le siélubei aban arúeihani” (Danieli 2:44). Lábugiñe arúeihani le “mariñagunbei ni aban lílana fulasu: ‘Sándiñadina’” (Isaíasi 33:24). Buídubei hátuadi súngubei, ábame ítara hamá kei dan meha nibureingiña (Hobu 33:25).