Lidan irumu 2024, ñeinbei saragu abuduhani lidan sun ubóu le marihínwañahagili lidan aban irumu. Lau sun lira, mafiñenhaña saragu gürigia hawagu polítiku.

•    Lidan aban álügüdawaguni le adügǘbei houn gürigia Meriga, ariñagatiña hiibe-agei luagu “hawouguarügüñein lan saragu polítiku hasaminara”, mama lun hetenirun houn gürigia a (Pew Research Center, 19 lidan nefu-hati irumu 2023).

 Heferidiruñein giñe saragu nibureintiña hafiñen hawagu polítiku.

•    “Arihúaali hadan nibureintiña uguñe weyu luagu busén hamá haransehani turobuli le wéinamubei, lau sun lira marihintiña haransehan polítiku ni kata” (The New York Times, 29 lidan eneru irumu 2024).

•    “Según aban álügüdawaguni, afiñetimatiña nibureintiña hawagu ha áfuridubaña lidan Youtube sügǘ lau hawagu polítiku” (The Korea Times, 22 lidan eneru irumu 2024).

 Ligíati, hadügüba funa san polítiku lun buídutima lan ibagari ámuñegü? Ka un gayara lan wafiñerun?

 Mosu duari wamá ka lan uagu wafiñera. Ariñagatu Bíbülia: “Afiñetiña ha mabuidunbaña ichügü luagu sun le ariñawagúbei houn; ánhaña ha buídubaña ichügü, ariha hamuti buidu halía lan héibuga” (Ariñawagúni 14:15).

•    Anhein busén hubéi hachoururuni ida luba lan hasubudiruni ariñahani le inarüniti luéi le mama inarüniti, aliiha huméi ariñahani le gíribei “Cómo protegerse de la información falsa”.

 Lanwoun lira, gébehati le hayaraabei polítiku adüga lau sun haruma lan hóuserun ani busén hamá hadügüni le buídubei. Ligíati, ariñagatu Bíbülia:

•    “Míchiga huméi hafiñen hawagun gürigia wéirigutiña, wügüriña ha siñati hesefuhan” (Sálumu 146:3).

 Afuranguagüda tumuti Bíbülia írida laali lan Bungiu gumadimati létima chubalugubei ani le gayaraabei lafiñerún luagu: Hesukrístu (Lúkasi 1:32, 33). Hesusu Lurúeitebei Larúeihan Bungiu, aban arúeihani le aniheinbei sielu (Matéu 6:10).

•    Furendei humá ka lan uagu gayara lubéi hafiñerun luagu Hesusu luma luagu le lunbei ladügüni lun laransehani turobuli le ubouagubei. Aliiha huméi ariñahani le gíribei “Katei san Lurúeitebei Larúeihan Bungiu?” luma “Kaba san ladüga Larúeihan Bungiu?”