APURICHIHANI ESPECHALITI
Turobuli le lanügübei maseinsuni | Kaba ladüga Larúeihan Bungiu?
Hénrenguti houn saragu gürigia hagañeiruni seinsu le hemegeirubei lun hawinwandun ani hénrengutimarügüti eibu lásügürün dan.
Según aban aturiahani le málügilibei lúmagiñe ladügǘn lidan sun ubóu, a “wéirihali lǘnabun lebegi seinsu le hagañeirubei gürigia”. Eweridihati aturiahani le anhein lan masansirun katei le “laganwounduba lan múarani” hadan rísitiña hama gudemetiña, “míbetimarügaalimeti hámati nadagimeintiña lun hanuriagun houngua hau sun haduheñu”.
Gayaraati san haransehani gumadimatiña turobuli le lanügübei maseinsuni o hadügün lun labuidurun katei?
Afuranguagüdatu Bíbülia anihein lan aban arúeihani le gabafubei laransehani sun turobuli le lanügübei maseinsuni, íbini múarani ani ligíaba ladüga. Ariñagatu: “Ladügüba Bungiu le siélubei aban arúeihani”. Ábanrügü arúeihani le lunbei larihin lau sun katei lidan sun Ubóu (Danieli 2:44). Lábugiñe arúeihani le, úabei ni aban abulieidúati o erederuti árigi (Sálumu 9:18). Líchugubei Larúeihan Bungiu sun le hemegeirubei lílana houn lun gunda hamá. Harihubei sun gürigia buiti le lanügübei sun áfaaguni le hadügübei lidan hawadigimari (Isaíasi 65:21, 22).
a Ariñahani túmagiñeti Óundaruni to Arihiboun lau Wadagimanu lidan sun Ubóu luáguti fáyeiti le heresibirubei nadagimeintiña lidan irumu 2022-23