APURICHIHANI ESPECHALITI
Polítiku ha móuserunbaña lau arumani | Kaba ladüga Larúeihan Bungiu?
Busentiña gürigia urúeigu ha gayaraabei lafiñerúniwa hawagu; buchá hawagu habá urúeigu ha móuserunbaña lau arumani. Lidan aban aturiahani le adügǘbei lidan sun ubóu lidan irumu 2023, iridúatiña gumadimatiña kei aban sétanu le uágubei mafiñerúniwa lan. a
Ayanuhatu Bíbülia luagu aban Arúeihani le ídanbei larúeiha aban Urúei le gafiñerúaditi luagu óusera ligía lau arumani. Arúeihani le, Larúeihan Bungiu ani Hesusuba agumadirei (Isaíasi 9:7).
Subudiwati meha Hesusu kei aban gürigia le saminati hawagu amu (Matéu 9:35, 36). Kei Urúei lidan Larúeihan Bungiu, lóuserubaña Hesusu sun ánhatiña lun Larúeihan lau irichaü luma darangilaü (Sálumu 72:12-14).
a 2023 Edelman Trust Barometer Global Report.