Anihein dan sun wagía sandiguatiwa woungua lau íruni. Dan le hiru lan wasandiragun woungua, úati mini lan mere lan wamadagua luma Heowá. Anihein dan íbini Heowá sandiguati lungua lau íruni (Agu 6:​5, 6). Ligíati, ka lunbei wadügüni anhein sandigua wabéi woungua lau lanarime íruni súnwandan?

Amuriaha humá ídemuei luma Heowá. Bereseti Heowá luagu ida liña lan wátuadi luma ida liña lan wasandiragun woungua. Subudi lumuti anhein gunda wabéi o anhein hiru wamá. Gunfuranda lumuti giñe ka lan lébunabei katei le wasaminarubei luma le wasandirubei (Sal 7:9b). Ani le súdinitimabei, gayaraabei lan líderaguniwa dan le wasandirun saragu íruni, ladüga berese lan wau (Sal 34:18).

Góunigi huméi le hasaminarubei. Dan le maguraasun wamá adügati lun magundan wamá, gayaraati giñe ladügün lun lagadeirun wamadagua luma Heowá. Ligía súdini lubéi lun wóunigirunu wanigi, mini lan le, wakutihani ida waña lan múnadagiñe wabiti, akutiha wameime le wasaminarubei luma le wasandirubei (Ari 4:23).

LÁRIGIÑE HARIHINI BIDÉU HAWINWANDUÑA ÍBIRIGU LIDAN DARANGILAÜ ÍBINI ANIHEIN LAN SANDI LÁNINA LANARIME IRUNI HAWAGU, ÓUNABA HUMÉI ÁLÜGÜDAHANI BURÍ LE:

• Ka burí katei tadügübei Nikki lun mígiraguagüdün tan tungua lun lanarime íruni?

  Óunabagülei

• Ida liña tíchugun Nikki fe megei tan tidin arihei surusia? (Mat 9:12).

  Óunabagülei

• Ida liña teresibirun Nikki ídemuei lúmagiñe Heowá?

  Óunabagülei