WABAGARI KEISI KRISTIÁNUGU

Íderagua humaña gürigia ha mánibaña relihión asubudirei Bungiu Le Adügübaliña

GUMESELÁ LIDAN

Susereeli san hun mabusenrun humá hapurichihan lun aban gürigia le maniti relihión ladüga samina humá máhabei lan laganbunün? Anhein ítara liña lubéi, haritagua humá saragu lan hádangiñe ha gefenbaña luagu Heowá guentó, mánitiña meha relihión o mafiñentiña meha luagu Bungiu. Liibe-agei dan, megeirügütiña murusun ídemuei lun harihini houngua anihein lan Bungiu (Rom 1:20; 10:14).

LÁRIGIÑE HARIHINI BIDÉU HARITAGUA HUMÉI LE: GAYARAATI HAFIÑERUN HA MEHA MAFIÑENBAÑA: GÜRIGIA HA MÁNIBAÑA RELIHIÓN, ÓUNABA HUMÉI ÁLÜGÜDAHANI LE:

Ida liña líderagunün le lásügürübei Tommaso lun hapurichiha houn ha mánibaña relihión?

Óunabagülei

Ida luba hadügüni?

Anhaün adunragua luma aban gürigia le mafiñenti luagu Bungiu, gamadoun humá, ani ayanuha humá luma lau ínsiñehabuni ani teni humá lun le lariñagubei, le lasaminarubei luma le lasandirubei (2 Ti 2:24). Ayanuha humá luagu katei le hínsiñebei lun. Aranseñu liña san gürigia ligía lun lakutihani katei burí le adügübei lun hafiñerun saragu anihein lan Bungiu le Adügübaliwa? Ligíati, yusu humoun agumeiraguagüdüni luma burí bidéu le adügǘbei lun lapurichihóun houn gürigia ha asaminarubaña ítara. Kéiburi, garüdia ¿Es la vida obra de un Creador? tuma El origen de la vida. Cinco cuestiones dignas de análisis ru waaru tidan agumeiraguagüdüni tótima wayusuruboun lun warufudahan lun ménrengun lan hadariruni.

Anhein hanufude hubéi hayanuha luagu inarüni luma aban gürigia le mafiñenti luagu Bungiu, amuriaha humá ídemuei luma aban íbiri le barühali saragu dan apurichiha. Mabulieida huméi: gayara lan líderagunün Heowá achülüra tidoun hanigi gürigia ha busenbaña hafurendeirun luagu, íbini mafiñen hamá guentó luagu anihein lan Bungiu (Adü 13:48).