KA UAGU SÚDINI LUBÉI? Ítara kei amu burí tulu, gayaraati dencha lan páhina lánina hadügǘn umadagu lidan Internet lau sun hu lan. Añahein kristiánugu, himei hamuti mayusurun hamani páhina burí le. Añahein amu, yusu hamuti lun hayanuhan hama haduheñu luma hama hamadagu. Ánheinti Mafia, busenti lun wayusuruni páhina burí le lun wawiyeduni wiri luma lun wagadeiruni wamadagua luma Heowá. Ítara kei meha ladügüni Hesusu, gayaraati wayusuruni adundehani le tídanbei Lererun Bungiu lun wasubudiruni ka burí lan sádara lídanbei páhina burí le lun mábürühan wamá tidoun (Lk 4:4, 8, 12).

KATOUN BURÍ SÁDARA TUGUYA?

• Wásügürün saragu dan ayusurei. Ánhawa ásügüra saragu dan ayusurei páhina burí le, madaanibadiwa lun wetenirun lun le lunbei wadügüni lidan weseriwidun lun Heowá.

  Adundehani tídangiñeti Bíbülia: (Efe 5:15, 16; Fili 1:10)

• Waríagun katei mabuidunti. Ánhawa aríagua iyawaü burí to adügüboun lun liábingua luriban saminaü woun, gayaraabei wagumeserun aríagua iyawaü luma burí bidéu lánina agamariduni o wábürühan lidoun magíaguni. Ani gayaraabei weferidiruni wafiñen anhein waliiha le burí habürüdübei gürigia ha garabaguaaña houngua luagun Heowá.

  Adundehani tídangiñeti Bíbülia: (Mt 5:28; Fili 4:8)

• Wamudeiragüdün tagübüri iyawaü o wabürühan katei mabuidunti. Kei geyeedaguadi tan anigi, gayaraati labürühan aban gürigia katei mabuidunti lidan burí páhina le o lamudeiragüdün tagübüri burí iyawaü. Ani gayaraabei ladügün lira lun lawiyedúniwa liri somu gürigia o ladügün lun lachugeragun.

  Adundehani tídangiñeti Bíbülia: (Rom 14:13; Efe 4:29)

ARIHA HUMÉI BIDÉU BUIDULÁ BAYUSURUNI PÁHINA HOUNTI UMADAGU, ÁBAMETI BAKUTIHANI IDA LUBA LAN BADIREIRUN LUÉI TUROBULI BURÍ LE: