8:3-5, 9

• Séfuñu tiña meha Esütérü luma Marüdokéu, gama lumoun lasubudirawagüdüña meha lúrudu le labürügüdübei Amán libügürü lunti lan háfarawagun sun huríu darí lumoun lagumuhóun fulasu le lábugiñebei lubafu arúeihani Médiana luma Pérüsia.

• Ruya tumuti Esütérü tibagari lidan denchaü lau tarufudagun tungua ligibugiñe urúei mamisurahóunga. Ayahuahatu hawagu lílana tinasiñun ani ayumuraguatu lun urúei lun lasansiruni luriban lúrudu ligía.

• Kei meha siñá lan lasansirún lúrudu burí le ru láalibei urúei, aba líchugun ubafu tun Esütérü luma lun Marüdokéu lun habürüdagüdün amu lúrudu.

8:10-14, 17

• Adügati meha libiaman lúrudu le lun gayara lan hageindagun huríu haweigiñegua.

• Aba hagalufehan íchugutiña ñunsu asubudiragüdei iseri lúrudu le darí lumoun lagumuhóun larigei fulasu le lábugiñebei lubafu arúeihani Médiana luma Pérüsia, ábati haranserun huríu lun hageindagun.

• Saragu hádangiñe gürigia ha arihibalin le ladügübei Heowá hawagu lumutuniña, aba hóundarun hamoun huríu.