GARUFUDAHADI WAMÁ
Buidutimalá wadügüni katei: Aranse waméi le wasaminarubei wariñagun tuagu garüdia
KA UAGU SÚDINI LUBÉI? Lau sun weiri lan lahuudun hénpulu burí le áfuachubei tidan ubanaü Le lunbei ladügǘniwa lidan adamuridaguni libügürü le gayaraabei wariñaguni tuagu agumeiraguagüdüni, lúnrügüñein líderaguniwa asaminara luagu le gayaraabei wariñaguni lichugúa ñein. Gayaraati hariñaguni kei habusenruni. Másiñati himei humá hariñagun amu katei lun hagumeserun ayanuha luagu tema le, o hayanuhan luagu amu katei létima uágubei habusenra gürigia ha lídanbaña fulasu le ñein lubéi hapurichiha haganbun. Anhein ítara liña lubéi, aliiha humóun garüdia furumiñe, akutiha huméi ebelaagülei le ichugúbei keisi hénpulu ani ariha huméi burí bidéu le laubei larufudún sügǘ; ábameti hafalaruni adundehani le ñeinbei lun haranseruni le hasaminarubei hariñagun danme hapurichihan.
LE LUNBEI WADÜGÜNI:
Saminatün san hayusuruni adundehani le ichugúbei keisi hénpulu?
ANHA
-
Samina huméi furumiñe kaba lan hariñaga danme habusuragun lun gürigia ariñaga humeime lun ka lan uagu houdin bisidei. (Kéiburi: “Niábiña bisidaün lun...”).
-
Samina huméi ka lan gayaraabei hariñaguni lun haliihani bérusu tídangiñeti Bíbülia lun gürigia lárigiñeme hadügüni álügüdahani lun, luma le gayaraabei hariñaguni lun hayanuhan tuagu agumeiraguagüdüni lárigiñeme aliiha humaali bérusu lun. (Kéiburi lubaragiñe haliihan aban bérusu, gayaraati hariñagun: “Ariha huméi ka lan tariñagubei Bíbülia luagu katei le”).
AÚ
-
Anúadira humá aban tema le hínsiñebei hun tídangiñe garüdia ani le gayaraabei hínsiñebei lan houn gürigia ha lídanbaña fulasu le ñein lubéi hapurichiha.
-
Samina humá luagun somu álügüdahani le ídehati lun lariñaguni gürigia ka lan lisaminanbei gayara láamuga layanuhan huma, gama lumoun madüga humá álügüdahani le adügüti lun madariragun lan gürigia lungua buidu. (Gayaraati hadügüni álügüdahani le áfuachubei lidan páhina 2 le tídanbei garüdia).
-
Anúadira humá aban bérusu, ábameti haliihani. (Ánheinti tau garüdia ¡Despertad!, gayaraati hadügüni anhaün busén lugundun houn gürigia ha lóuguati hasubudin tuagu Bíbülia o ha mafiñentiña luagu relihión tadügǘwa).
-
Samina humá luagun dimurei burí le gayaraabei hariñaguni lun gürigia lun hafuranguagüdüni lun ida luba lan líderaguni ariñahani le lídanbei arütíkulu anhein laliiha.
LUÉIDÜGÜ FURUMIÑEGUARÜGÜ KATEI:
-
Aranseha humá aban álügüdahani le gayaraabei hóunabuni dánmeya hagiribudun bisidei gürigia.
-
Bürǘ huméi sun le gayaraabei lahuudun hun lun hasubudiruni ka lan gayaraabei hariñaguni dánmeya hagiribudun bisidei gürigia.
