“Agagudúañu humá”
Lau sun houn lan lani Hesusu disipulugu ha anuadirúaaña líchigei eweridihani hawaguti diisi würiña nibureintiña, huuti adundehani le houn sun kristiánugu (w15 1/3 páh. 13-17). Ariñagati: “Agagudúañu humá, ladüga ibidiñeti hun kaba lan weyu, ni kaba lan oura nagiribuda” (Mt 25:13). Gayaraati san hafuranguagüdüni hénpulu le labahüdagubei Hesusu?
-
Adari (bérusu 1): Hesusu.
-
Würiña nibureintiña ha aransetiña (bérusu 2): Kristiánugu anuadirúaaña ha aranserubaña lun hagunfulirun lau hawadigimari lau úaraguni, ítarati, harugoungadagüdatiña haganagua gürigia darí lumoun lagumuhóun (Fili 2:15).
-
Agúaraguni: “Anitén adari!” (bérusu 6): Liseinin gumeseeli lan Hesusu arúeiha.
-
Würiña nibureintiña ha maranserunbaña (bérusu 8): Kristiánugu anuadirúaaña ha ñǘdünbaña adunragua luma Adari ani meredetiña agagudúañu, makipurun hagía úaraguni.
-
Máhatiña würiña nibureintiña ha aransebaña hafanreinhani hagasin (bérusu 9): Lárigiñeme lichugún lagumuhóun seyu hawagu kristiánugu anuadirúaaña ha úaraguabaña, tárühalime lun híderagun amu kristiánugu anuadirúaaña ha agumeserubaña óusera lau múaraguni.
-
“Ligía liabin adari” (bérusu 10): Liábinba Hesusu aguseragüda danme le gumumémeeli saragu asufuriruni.
-
Belutiña würiña nibureintiña ha aranserubaña lidoun maríei luma adari, ábati ladourún bena (bérusu 10): Lóundaraguniña Hesusu kristiánugu anuadirúaaña ha úaraguabaña sielu, ánhañati ha múaragunbaña, féridi hamuti chansi ligía.