Garüdia to ariñaga tumuti lidan fiú dimurei ka lan uganu tídanbei Bíbülia lau aban manera le adügati lun busén wamá wasigirun aliiha, gama lumoun, menefánti mafuranguagüdün tani kada aban lídangiñe arufudahani le tídanbei.

Kei hénpulu, óunabatu Bíbülia álügüdahani kéiburi le: Bereseti san Bungiu wau? Halíañanu san hilaaña? Ida luba ladarirún ugundani?

Lun hasubudiragüdüni le tariñagubei Bíbülia luagu le luma burí amu álügüdahani súdiniti, adüga hamutu gefentiña luagu Heowá líburu Kátima san tarufudahabei Bíbülia? Lidan kada kapítulu akutihouati ámuñegueinarügü saminaü ani anúadiruati bérusu burí tídangiñe Bíbülia le ayanuhabei luagu saminaü ligía. Anhein busén hubéi heresibirunu líburu, luma lanwoun ariñahani luagu külase tídangiñeti Bíbülia mafayeihanga, buíngüda huméi fánreinti le ǘnabubei lau hani dátosu ábame hóunahani lidoun fulasu le yarafaatimabei hun lídangiñe le indikaruabei ǘnabu.

Busentina neresibirunu líburu Kátima san tarufudahabei Bíbülia?

Busentina hariñahan nun luagu külase tídangiñeti Bíbülia núbiñe mafayeihanga.