Ka idewesei buídutimati gayarabei híchuguni houn hisaanigu? Gíbeti katei hemegeirun, kéiburi ínsiñeni, hadundehaniña luma hóunigiruniña. Gama lumoun, lídangiñe sun idewesei le, gebegitimati hasubudirun luagu Heowá luma luagu inarüni le tídanbei Bíbülia, to Lererun (Huan 17:3). Gayarati ladügün subudi le lun línsiñedun Heowá houn luma lun heseriwidun lun tau sun hanigi, íbini lúmagiñe hañüraü (Matéu 21:16).

Ariha hamaali saragu agübürigu hínsiñetimati lan leksióun le chátiburiti houn irahüñü ñǘbürigiña luma hadügün burí katei. Ligíati gunda wabéi lau wíchugunu agumeiraguagüdüni to hun, Le nafurendeirubei tídangiñe Bíbülia. Adügǘwati kada leksióun lun sensiyu lan warufudahan. Dandu dibuhu luma ariñahani le lídanbei adügǘwati houn irahüñü ha ǘrüwa irumu hau lun ǘnabun. Ariñawagúati ñein ka burí lan gayarabei hadügüni. Mama aban adibiri houn irahüñü garüdia Le nafurendeirubei tídangiñe Bíbülia. Lubaragiñe lira, adügǘwatu lun haliihanu úara hama hisaanigu, ladügüba lira lun gayara lan hadimurehan hama.

Chouru wamuti tíderagubadün lan agumeiraguagüdüni to arufudahei inarüni le tídanbei Bíbülia houn hirahüñü “lúmagiñe [ha]ñüraü” (2 Timotéu 3:14, 15).

Híbirigu,

Sétanu le arihibei lau hawadigimari gefentiña luagu Heowá lidan sun ubóu