FÁNREINTI 4
Ka resultóu lánibei haganbuni Satanási?
Hilati Adán tuma Ewa ladüga hamaganbadin lun Bungiu (Agumesehani 3:6, 23)
Aganba tumutu Ewa hewe, aba teigin tídangiñe furuda. Lárigiñe, aba tíchugun tídangiñe lun Adán, ani aba léiginu.
Wuribati le ladügübei Adán tuma Ewa, aban meha figóu lira. Aba labugaguniña Bungiu lídangiñe Paraísu.
Ligíati, deré lubéi meha ibagari houn luma houn hasaanigu. Aba haweiyadun ani hilagua hagía. Mídintiña lidoun aban ubóu hani sífirigu, aba úaña lan.
Mabagaritiña hilaaña, ítara kei mabagari lan kaliki (Agumesehani 3:19)
Hilatiwa sun wagía, ladüga harahüñü wamá Adán tuma Ewa. Siñati harihin hilaaña, ni haganbun, ni hadügün ni kata (Apurichihati 9:5, 10).
Mabusenrunti yebe Heowá lun hóunwegun gürigia. Málühali agiribudagüdei habagari hilaaña houn. Ánhañati gaganbadi lun, hawinwanduba lun súnwandan.
Háfuga hínsiñebei lan giñe le hun
ARUFUDAHANI TÍDANGIÑETI BÍBÜLIA LE SÚDINITI
Ka asuseredubei houn hilaaña?
Füramaseti Bungiu tidan Bíbülia lachülürüba lan dan lun háguyugun saragu gürigia ha hilaguañabaña, ítara kei meha láguyugun Lásaru.
ARUFUDAHANI TÍDANGIÑETI BÍBÜLIA LE SÚDINITI
Ka uagu lígira Bungiu lun ñein lan asufuriruni?
Álügüdahatiña saragu gürigia ka lan uagu buin liña lan ubóu lau iyereehabúni luma asufuriruni. Rutu Lererun Bungiu aban lubuidun óunabagülei le íchugubei awalidaguni woun.
Bíbülia ka uganu tídanbei?
