FÁNREINTI 7
Ka Hesusubei??
Óunaha lumuti Heowá Hesusu ubouagun (1 Huan 4:9)
Saragu dan lubaragiñe ladügüni Heowá Adán, adügati aban ánheli gabafuti sielu. Anhein busén wabéi lun gunda lan Heowá wau, mosu gaganbadi wamá lun sífiri gürigia súdiniti le.
Lau lásügürün dan, aba lóunahani Heowá lun nasirua lan Belén, tídangiñe aban würi gañüngiru gíritu María. Hesusu iri le ichugúbei luagu (Huan 6:38).
Dan le ubouagu lubéi, buiti meha Hesusu ani hínsiñehabuti kei Heowá. Ligíati busén habéi meha gürigia herederun yarafa lun. Ani arufudaha lumuti meha inarüni luagu Heowá lau ganigi.
Íbini adüga lan Hesusu saragu katei buiti, iyereeguti meha houn saragu gürigia (1 Féduru 2:21-23)
Areidaguagüdati giñe sánditiña ani águyuguagüdati fiú hilaaña.
Iyereeguti meha Hesusu houn alidihatiña relihión, ladüga lariñaguni iyeeni lan le harufudahabei ani wuriba lan hóuserun.
Ínchahatiña meha alidihatiña relihión, lun habeichuni rómana Hesusu luma lun háfaruni hilagubei.
