FÁNREINTI 6
Ka wafurendeirubei lídangiñe óunwenbu Guran?
Aba lagumuchun Bungiu hau wuribatiña, ani sefu lumuti Noé hama liduheñu (Agumesehani 7:11, 12, 23)
Aba láhuyun huya luagu 40 weyu luma 40 áriebu. Aba labuluchun Ubóu, aba hóunwegun sun gürigia wuribatiña.
Aba hígiruni ánheligu ha ebedaagubaña hágubu, ábati máfianu haaña lan.
Hárügüñanu meha tídanbaña árüka, asalbara. Lau lásügürün dan, aba lóunwen Noé hama liduheñu, gama lumoun lagiribudagüdübei Bungiu habagari houn ani gayarahalime hawinwandun lun súnwandan.
Lagumuchayaba Bungiu hau wuribatiña ani lasalbarubaña buítiña (Matéu 24:37-39)
Anihagua Satanási hama lumáfianu eyeehaña gürigia.
Uguñe weyu, kei lidan lidaani Noé, máhatiña hibe-agei gürigia gaganbadi hamá lun Heowá. Yarafa madise, lagumuchuba hau sun gürigia wuribatiña (2 Féduru 2:5, 6).
Añahein gürigia ítaratiña kei Noé, ani adüga hamuti le lariñagubei Bungiu. Gefentiña luagu Heowá hagía.
Háfuga hínsiñebei lan giñe le hun
Bíbülia ka uganu tídanbei?
Móunweguntiña lidan guran
LÍBURU BURÍ & GARÜDIA
Káteitima san gamaniharibei lau ubóu?
Gayarabei ladügün óunabagülei le tíchugubei Bíbülia lun taweiridun hanigi. Furendei huméi ka lan uagu súdini lubéi luma kaba lan lanüga hun ámuñegü.
