FÁNREINTI 8
Ka uagu lounwe Hesusu?
Hilati Hesusu gayara láamuga wawinwandun lun súnwandan (Huan 3:16)
Ǘrüwa weyu lárigiñe lounwen Hesusu, aba houdin fiú würiña bisidei lumúaha ani málati hadariruni. Saragüda laali buga Heowá lídangiñe óunweni.
Murusun dan lárigiñe, aba larufudagun Hesusu lungua houn lani apostolugu.
Anha, aba meha láguyuguagüdüni Heowá Hesusu kei aban sífiri gabafuti ani móunwedaditi. Ariha hamuti meha lani Hesusu disipulugu, dan le lamudeirunbei sielun.
Águyuguagüda lumuti Bungiu Hesusu, aba ladügüni urúeime lidan larúeihan (Danieli 7:13, 14)
Ru lumuti Hesusu libagari lun lalíbüreruniña gürigia lídangiñe figóu luma óunweni (Matéu 20:28). Ligíati gayara lubéi líchugun Bungiu ibagari magumuchaditi woun.
Anúadira lumuti Heowá Hesusu kei Urúei lun larúeihani Ubóu siélugiñe. Úara luma harúeihaba 144.000 gürigia gaganbaditiña, ha águyuguagüdawatiña lun hawinwandun sielu. Arúeihani richati le, Arúeihani lani Bungiu (Arufudúni 14:1-3).
Ladügübei Arúeihani le Ubóu ábanme paraísu. Úaalime wuribu, wuribani, gudemei, ni ilamaü. Wéiribei hagundan gürigia (Sálumu 145:16).
Háfuga hínsiñebei lan giñe le hun
ARUFUDAHANI TÍDANGIÑETI BÍBÜLIA LE SÚDINITI
Ka uagu lounwe Hesusu?
Arufuda tumuti Bíbülia weiri lan lisudinin lounwen Hesusu. Gébunati san lounwen?
Bíbülia ka uganu tídanbei?
Lounwen Kristu
ARITAGUAGÜLEI
Haritagua waméi lounwen Hesusu
Amisuraha wamutün lau sun wagundan lun hóundarun wama lidan ókaasion súdiniti le. Hafurendeirubei ka lan buiti gayaraabei lanügüni libagari luma lounwen Hesusu lun kada aban wádangiñe.
LÍBURU BURÍ & GARÜDIA
Gayarati funa san habagaridunya gürigia ha hilaguaañabaña?
Hilaali san somu hiduhe huéi? Gayarati hadarirun dǘgüdaguaü lídangiñe füramasei le tídanbei Bíbülia.
