Íderagua humaña gürigia ha aganbubalün akutihei ídatima haña lan. Adüga humá álügüdahani le unti magurabun humá óunabagülei lun híderaguniña gürigia akutihei kátima lan hasandirubei.

Íderagua humaña gürigia adügei katei luagu resun le richabei. Ínchaha humaña gürigia ha aganbubalün asaminara luagun lébuna hadügün katei buiti. Íderagua humaña adügei katei luagu resun le richabei: ínsiñeni luagu Heowá, hawagu gürigia háledi luma luagu arufudahani le tídanbei Bíbülia. Íderagua humaña asaminara, madeinha humá houn. Danme lásurun hayanuhan, lunti hasandirun gürigia ha aganbubalün busén hamá híchuguni le buídutimabei hámagiñegua, moun lumuti hasandiragun houngua lau busiganu.

Adüga humá lun hasaminarun gürigia luagu Heowá. Afuranguagüda huméi ida liña lan líderaguniwa arufudahani, adundehani luma gumadi le tídanbei Bíbülia lun wasubudiruni Bungiu luma lun warihini hínsiñe wamá lun. Íderagua humaña gürigia lun gabaroun hamani le lasandirubei Heowá luma lun busén hamá híchugun ugundani lun.