Íridaya huméi dimurei le súdinibei. Lárigiñe haliihan aban bérusu tídangiñe Bíbülia, íridaya huméi dimurei burí le afuranguagüdübalin ariñahani le habusenrubei harufudahan. O adüga humá aban álügüdahani le gayaraabei líderaguniña gürigia asubudirei ka lan dimurei uágubei hayanuha.

Águyuguagüda huméi puntu. Anhein hariñaga ka lan uagu haliiha aban bérusu, arufuda huméi lárigiñe ka lan lídangiñe dimurei burí le lídanbei bérusu afuranguagüdübalin.

Afuranguagüda huméi bérusu lidan aban igaburi le ménrengunti gunfurandawa lan. Mírida humá ni kata le múaranti luma ariñahani le hakutihabei. Akutiha huméi átiriñein lan ariñahani hemegeirun gürigia ha aganbubalün lun gunfuranda hamani le habusenrubei hafuranguagüdün houn ani gabaroun huméi le subudi hamaalibei.