Káteitima san gamaniharibei lau ubóu?
Hariñaguña hamuga san...
-
... Bungiu lan?
-
... gürigia guánarügü lan?
-
... o somu erei le ibidiñeti woun?
LE TARIÑAGUBEI BÍBÜLIA
“Lábugiñeñanu [...] lubafu Mafia sun ha lánigubaña ubóu.” (1 Huan 5:19.)
“Aba liabin Liráü Bungiu lun lagünrinchaguni luadigimari Mafia.” (1 Huan 3:8, Sandu Bürütu.)
IDA LIÑA LÍDERAGUNIWA WASUBUDIRUNI KATEI LE?
Gunfuranda wabéi lébuna turóbuli le ubouagubei (Arufudúni 12:12).
Garichabadiwa lun wagurabahan aban ubóu le buídutimati (1 Huan 2:17).
ANIHEIN SAN RESUN LUN WAFIÑERUN LUAGU LE TARIÑAGUBEI BÍBÜLIA?
Anha, wayanuha luagu ǘrüwa lídangiñe:
-
Siadiwaali lagumadihan Satanási. Desidírühali Heowá lagumuchun lau lagumadiruniña Satanási gürigia. Füramaseti “lagünrinchaguni lubafu Mafia” ani laranserubei lan sun wuribati le adüga láalibei (Ebüréu 2:14).
-
Hesukrístu urúei le lanúadirubei Bungiu. Mítaranti Hesusu kei urúei furundeti le agumadihabei ubouagu uguñe weyu ani luouguounrügüñein lasaminara. Le linarün katei, füramaseti Bungiu danme lan lagumadihan Kristu “gudemehabubei [lan] houn ha gudemebaña [...]. Lesefurubaña hawéi ha óuseragubaliña” (Sálumu 72:13, 14).
-
Siñati leyeehan Bungiu. Ariñagatu Bíbülia furangu “siñá lan leyeehan Bungiu” (Ebüréu 6:18). Ligíati, dan le füramase lan Heowá aban katei, gayarati warihini kamá susereeli (Isaíasi 55:10, 11). Ani füramaseti luagu ‘leferidirubei lan Mafia, le agumadihabalin ubóu le lubafu’ (Huan 12:31).
ÁLÜGÜDAGUA HUMÁ HUNGUA
Ida luba san ubóu danme le mámaali Satanási agumadiha?
Hadarirubei óunabagülei tídangiñeti Bíbülia lidan SÁLUMU 37:10, 11 luma ARUFUDÚNI 21:3, 4.
Háfuga hínsiñebei lan giñe le hun
GARÜDIA AWISAHATU
Ka uagu hénrengu lubéi lun ñein lan darangilaü lidan sun ubóu?
Lau sun áfaaguaaña lan saragu lun ñein lan darangilaü ubouagu siñá hamuti. Subudi huméi ka lan uagu.
ARUFUDAHANI TÍDANGIÑETI BÍBÜLIA LE SÚDINITI
Ka uagu lígira Bungiu lun ñein lan asufuriruni?
Álügüdahatiña saragu gürigia ka lan uagu buin liña lan ubóu lau iyereehabúni luma asufuriruni. Rutu Lererun Bungiu aban lubuidun óunabagülei le íchugubei awalidaguni woun.
ÁLÜGÜDAHANI LE TÓUNABUBEI BÍBÜLIA
Inarüni san anihein lan Mafia?
Wuribani san le hádanbei gürigia Mafia o aban sífiri inarüniti?
GARÜDIA AWISAHATU
Lunti san wanufudedun luéi Mafia?
Ruti Bungiu gádürü katei woun le gayarabei lóunigiruniwa luéi lagayuahan Mafia.
WAWAGU
Ka uagu lunti lubéi haturiahanu Bíbülia?
Íderaguaaru Bíbülia saragu míñunu gürigia adarira óunabagülei lun lanarime burí álügüdahani le hadügübei hóuniwagua lidan habagari. Hínsiñeti hamuga hun huguya lan aban hádangiñe?
WAWAGU
Amuriaha humá habisidahóun
Ayanuha humá hama gefentiña luagu Heowá luagu óunabagülei le tíchugubei Bíbülia lun somu álügüdahani o lúntima hasubudirun hawagu.
