Gayarati funa san habagaridunya gürigia ha hilaguaañabaña?
Hóunabuña hamuga san...
-
... anha?
-
... uá?
-
... o háfuga?
LE TARIÑAGUBEI BÍBÜLIA
‘Lásaaragüdübaña Bungiu hilaaña.’ (Adügaü 24:15, Sandu Bürütu.)
IDA LIÑA LÍDERAGUNIWA WASUBUDIRUNI KATEI LE?
Wibihiba gurasu danme le lounwen somu waduhe (2 Korintuna 1:3, 4).
Manarimeelime wanufude luéi óunweni (Ebüréu 2:15).
Gébunabei wafiñen luagu warihayabaña lan waduheñu ha hilaguaañabaña (Huan 5:28, 29).
ANIHEIN SAN RESUN LUN WAFIÑERUN LUAGU LE TARIÑAGUBEI BÍBÜLIA?
Anha, wayanuha luagu ǘrüwa lídangiñe:
-
Bungiu adügübalin ibagari. Ariñagatu Bíbülia luagu Heowá: “Ladüga bídanñein lubuñe ibagari” (Sálumu 36:9; Adügaü 17:24, 25). Anhein gabafu lubéi lun líchugun ibagari lun sun katei le gabagaribei, chóuruti gabafu lan lun lagiribudagüdüni habagari hilaaña houn.
-
Saragüdaali meha Bungiu hilaaña. Ayanuhatu Bíbülia hawagu widü gürigia ha ásaarawagüdübaña lídangiñe óunweni —dandu würiña kei wügüriña ani ámuñegueinarügü harumudiri— ani ábaya hawinwandun ubouagu. Fiú hádangiñe málügili meha lúmagiñe hounwen, gama lumoun, anihein meha aban hádangiñe barühali gádürü weyu lúmagiñe lounwen (Huan 11:39-44).
-
Wéiriti labusenrun Bungiu lagiribudagüdüni habagari hilaaña houn. Iyereeguti óunweni lun Heowá ladüga ariha lumuti kei aban ágani (1 Korintuna 15:26). Wéiriti labusenrun lagumuchun lau ágani le ani ladügübei lau láguyuguagüdüniña hilaaña. Busenti lun sun lan gürigia ha lídanbaña laritagun lunya hawinwandun ubouagu (Job 14:14, 15, Traducción del Nuevo Mundo).
ÁLÜGÜDAGUA HUMÁ HUNGUA
Ka uagu waweiyada ani hilagua wagía?
Hadarirubei óunabagülei tídangiñeti Bíbülia lidan AGUMESEHANI 3:17-19 luma RÓMANA 5:12.
Háfuga hínsiñebei lan giñe le hun
ARUFUDAHANI TÍDANGIÑETI BÍBÜLIA LE SÚDINITI
Ka asuseredubei houn hilaaña?
Füramaseti Bungiu tidan Bíbülia lachülürüba lan dan lun háguyugun saragu gürigia ha hilaguañabaña, ítara kei meha láguyugun Lásaru.
ÁLÜGÜDAHANI LE TÓUNABUBEI BÍBÜLIA
Ka san águyugunibei?
Gayaraati taweiridun hanigi lau hafurendeiruni kaba lan águyugua ámuñegü.
GARÜDIA AWISAHATU
Águyuguni. Ka uagu gayara lubéi wachoururuni ñeinbei lan?
Tidan Bíbülia, daritiwa bián resun furanguti lun wafiñerun ñeinbei lan águyuguni.
WAWAGU
Ka uagu lunti lubéi haturiahanu Bíbülia?
Íderaguaaru Bíbülia saragu míñunu gürigia adarira óunabagülei lun lanarime burí álügüdahani le hadügübei hóuniwagua lidan habagari. Hínsiñeti hamuga hun huguya lan aban hádangiñe?
LE TARUFUDAHABEI LERERUN BUNGIU
Houcha huméi ida liña lan
Gumese humá aban aturiahani tídangiñeti Bíbülia mafayeihanga lau lídehan aban Gefenti.
