Le meha ladügübei Hesusu

Ka wafurendeirubei lúmagiñe Hesusu?

2. Anhein busén wabéi hawanserun aturiahatiña Bíbülia, mosu furangu lan wayanuhan hama, adüga wameime lau ínsiñehabuni.

 Áyeiha huméi Hesusu

3. Íderagua huméi aturiahati asaminara luagun le gayaraabei ladügüni lidan leseriwidun lun Bungiu luma lun láfaagun luagu.

1.    Yusu huméi rekuáduru le gíribei “Áfaagua humá lun. . . ”, le lídanbei kada arufudahani le tídanbei líburu Winwan humá lau ugundani.

2.   Íderagua huméi aturiahati asubudirei ka lan lunbei ladügüni lun libihini le uágubei láfaagua dandu lubá guentó keime lubá ámuñegü.

3. Sagü libihin aturiahati aban katei le uágubei láfaagua, ariñaga huméi lun buidu lan ladüga.

4. Áfaagua humá lun hasubudiruni ka lan eberesehabalin lawanserun aturiahati ani íderagua huméi iñuragua lídangiñe.

1.    Álügüdagua humá hungua:

   • “Anhein mama lubéi lawanseruña aturiahati lun gayara lan labadiseirun, ka funa san eberesehabalin?”.

   • “Ka gayaraabei nadügüni lun níderaguni?”.

2.   Amuriaha humá luma Heowá lun líchugun ganigi hun lun hariñaguni lun aturiahati furangu luma lau ínsiñehabuni ka lan lemegeirubei ladügün lun lawanserun.

5. Anhein mawanserun gürigia, dürügua huméi aturiahani le híchugubei lun.

1.    Lun hasubudiruni anhein lunti lubéi hasigirun íchiga aturiahani lun aban gürigia, álügüdagua humá hungua:

   • “Winwan lumuti san le lafurendeirubei?”.

   • “Abasiihati san lidoun adamuridaguni, ayanuha ligía houn amu luagu inarüni?”.

   • “Anhein lǘhali lubéi aturiahoun Bíbülia, busenti san aban lan gefenti luagu Heowá?”.

2.   Anhein menege lubéi lawanseruña lan aturiahati:

   • Íderagua huméi arihei ka lan eberesehabalin lawanserun.

   • Ariñaga huméi lun lau inebesei ka lan uagu mosu lubéi hadüraaguni haturiahanu Bíbülia luma.

   • Ariñaga huméi lun furangu ka lan asansiruni lunbei ladügüni dánmeya le labusenrun laturiahanu Bíbülia ámuñegü.