Lubaragiñe aturiahani

1. 1. Aranse humá buidu. Samina humá luagun le lemegeirubei aturiahati, le gádanbalin luma le uágubei lafiñera. Anihein san somu katei le güreweiti lun lun gunfuranda lani o lafalaruni? Akutiha huméi burí bidéu luma ariñahani le áfuachubei lidan fánreinti “Furendei humá lanwoun” ani samina humá luagun ida luba lan lahuudun ariñahani burí ligía lun gürigia le aturiahabei huma. Ítarati, aranseñu huba lun hayusuruni ariñahani ligía lidan aturiahani anhein mégeiwa.

Lidan aturiahani

1. 2. Anhein buidu lubéi larihin aturiahati lun, furíei humá dandu lubá hagumeseruni aturiahani kei dan le hagumuchuni.

2. 3. Áfaagua humá lun madimurehan humá saragu. Teni humá lun ariñahani le lídanbei arufudahani ani ígira humá lun lariñaguni aturiahati le lasaminarubei.

3. 4. Danme le hagumeserun aban iseri fánreinti tídangiñe líburu, aliiha huméi lébuna fánreinti ligía, írida huguyame fiu lídangiñe liri arufudahani le ñeinbei.

4. 5. Danme le hagumuchun lau aban fánreinti, yusu huméi águyuguagüdüni lun híderaguni aturiahati aritaguei inarüni tídangiñeti Bíbülia le furendei láalibei.

5. 6. Danme le haturiahani kada arufudahani luma aturiahati:

   1. Aliiha huméi párafu burí le áfuachubei lidan lagumeseha arufudahani úara.

   2. Aliiha huméi sun bérusu tídangiñeti Bíbülia le ariñagubei “Aliiha huméi”.

   3. Aliiha humá amu burí bérusu lídangiñe le áfuachubei lidan arufudahani ligía anhein hariha luagu mégeiwa lan.

   4. Anhein gayara lubéi hadügüni, adüga humá lun larihini aturiahati sun bidéu le ñein lubéi lariñaga “Ariha huméi BIDÉU”.

   5. Adüga huméi sun álügüdahani.

   6. Ayanuha humá tuagu burí sun iyawaü to lídanboun fánreinti “Sigí humá afurendeira”.

   7. Yusu huméi rekuáduru “Áfaagua humá lun. . . ” lun híderaguni aturiahati arihei lawanserun. Ínchaha huméi lun láfaagun luagu somu katei. Gayaraati hayusuruni ariñahani le lídanbei rekuáduru o amu.

   8. Álügüda huméi aturiahati anhein anihein lubéi somu ariñahani o bidéu le hínsiñeti lun lídangiñe le larihibei lidan fánreinti “Furendei humá lanwoun” dan le laranseruña lubéi lubá aturiahani.

   9. Áfaagua humá lun hagumuchuni kada arufudahani sagü haturiahan.

Lárigiñe aturiahani

1. 7. Sigí humá asaminara luagun aturiahati. Amuriaha humá luma Heowá lun labiniruni luma lun líchuguni lichú aau le hemegeirubei hun lun hasigirun íderaguei.