Lidan fánreinti le, wagumesera afurendeira lídangiñe fánreinti tídangiñeti Bíbülia le abürüdǘbei lidan güriegu. Warihibei hadan lan meha iduheñu ha lóuguati haseinsun nasirua lan Hesusu, winwan lan lidan aban aüdü, nadagimein ligía luma lúguchi kei sarafangei, adaagua burí katei lau fulansu. Hesusuba meha esefuraña gürigia. Anúadira lumuti Heowá lun Lurúeiteme Arúeihani le siélubei. Anhein gasaanigu hubéi, íderagua humaña arihei anúadira lani meha Heowá buidu kaba lan liduheñu Hesusu lun haganagua lan gürigia ha hínsiñeti Bungiu houn laweirida. Afuranguagüda huméi houn góunigi lani Heowá Hesusu dan meha le busén lubéi Erodesi láfaruni hilagubei. Úati ni kata gayaraati ladügün lun magunfulirun lani Heowá lisuuni. Arufudaha huméi houn anúadira lani Heowá Huan lun  lapurichihani anite lan Mesíasi. Afuranguagüda huméi giñe houn ida liña lan meha larufuduni Hesusu lúmagiñe liñüraü hínsiñe lan lichú aau lúmagiñeti Heowá lun ani ladundehan lan meha Bungiu lafalarubei lubaragiñe lafiñerun luougua.