Ebelaagülei lun fánreinti 12
Arufudahati meha Hesusu houn gürigia luagu Arúeihani le siélubei. Arufudahati giñe houn lun hafurieidun amuriaha lun inebewa lan liri Bungiu, lun liabin Larúeihan luma lun ladügǘniwa lugundan ubouagu. Anhein gasaanigu hubéi, íderagua humaña gunfurandei ka lan larufudahabei furíei le woun. Mígirunti meha Hesusu lun ladügün Satanási lun múaragun lan lun Bungiu ani arufudati inebesei luagu áhuduraguni inarüniti. Anúadira lumutiña Hesusu lani apostolugu, hagía meha furumiñebaña hádangiñe gürigia ha lúnbaña harúeihan lidan Larúeihan Bungiu. Kei meha busén lubéi Hesusu líderaguniña gürigia, areidaguagüdati sánditiña, ruti éigini houn lamatiña, adüga ligía lunya habagaridun hilaaña. Arufuda lumuti milaguru burí le kaba lan adügǘwa hawagu gürigia lábugiñe Larúeihan Bungiu.
EN ESTA SECCIÓN
ARUFUDAHANI 74
Mesiasihali Hesusu
Ariñagati Huan Hesusu lan Mudún le lóunahabei Bungiu, ka labusenrubei lariñagun?
ARUFUDAHANI 75
Lóuchaguni Mafia Hesusu
Ǘrüwa wéiyaasu lóuchaguni Mafia Hesusu. Katei san ǘrüwa óuchawaguni ligía? Ida liña lóunabun Hesusu?
ARUFUDAHANI 76
Larumadahanu Hesusu ténpulu
Ka uagu lasagaraña Hesusu animaalugu tídangiñe ténpulu, garabagualéi hadabulan asansihatiña seinsu?
ARUFUDAHANI 77
Hesusu ayanuha tuma aban würi lubadu aban fusu
Aba taweiridun tanigi samariana dan le layanuhanbei Hesusu tun. Ka uagu? Ka lariñagubei Hesusu tun le meha mariñagun lágili ni ka un?
ARUFUDAHANI 78
Lapurichihani Hesusu uganu luáguti Larúeihan Bungiu
Amisurahati Hesusu fiu hádangiñe lani disipulugu lun hanaahan gürigia lun. Lárigiñe, aba larufudahan houn 70 hádangiñe lánigu lun hapurichihani uganu buiti.
ARUFUDAHANI 79
Adügati Hesusu bandi milaguru
Ñein lumuti lidin, ñǘdüntiña sánditiña lumoun lun líderaguniña, ábati lareidaguagüdüniña. Saragüdati íbini aban würi irahü lídangiñe óunweni.
ARUFUDAHANI 81
Yanu le líchugubei Hesusu luagu wübü
Arufudahati Hesusu katei burí súdiniti houn bandi gürigia ha óundaragubaña.
ARUFUDAHANI 82
Larufudahan Hesusu ida liña lan lafurieidúniwa
Ka burí katei lariñagubei houn lun hasigirun amuriahei?
ARUFUDAHANI 83
Líchugun Hesusu heigin saragu milu gürigia
Ka larufudahabei milaguru le woun luagu Hesusu luma Heowá?
ARUFUDAHANI 84
Léibugun Hesusu ligibuagu duna
Gayaraati san basaminarun luagu le hasandirubei apostolugu dan le harihini milaguru le?
ARUFUDAHANI 85
Areidaguagüdati Hesusu lidan luéyuri emeraaguni
Ka uagu magundan habéi sun gürigia luagu le ladügübei?
ARUFUDAHANI 86
Láguyuguagüdüni Hesusu Lásaru
Dan larihinbarun Hesusu María ayahuaha, aba giñe layahun. Sánsiti íruni ligía lun ugundanime.
