LEKSIÓUN 16
Arufuda waméi hínsiñe lan Bungiu woun
Lun wakipurun aban umadaü, mosu wayanuhan luma. Aganba wamuti, ani aganba lumutiwa. Ayanuhatiwa giñe buidu luagu houn amu gürigia. Ligíameme asuseredubei anhein busen wabéi wakipurun umadaguaü luma Bungiu. Ariha huméi ka lan terengubei Bíbülia lun wadügüni luagu katei le.
Afurieida Humá lun Heowá sun dan. “lunti lan hafurieidun lun Bungiu súnwandan, mefereridirunga haméi haguraasun.” (Lúkasi 18:1.)
Aliihon Lererun Bungiu, to Bíbülia. “Sun le bürüwañubei tidan Lererun Bungiu, Bungiu gúanarügü íchugubalin haritagunrugun wügüriña lun habürüdüni, ani huutu lun tarufudahan, lun tadeinhan, adügatu lun hígiruni gürigia katei le mabuindunbei.” (2 Timotéu 3:16.)
Arufudaha houn amu luagu Bungiu. “Heiba lubeiti habügürü gürigia ha lílana sun fulasu, adüga humaña nánime disipulugu; [...]Arufudaha Matéu 28:19, 20.)
huguyame houn lun gaganbadi hamá lun sun le uágubei nariñaga hun.” (Yarafa wamá houn lumadagu Bungiu. “Ha óundaragutiña hama chu tau, lachuuduba hau.” (Ariñawagúni 13:20.)
Chülühuma tidoun, Luban Hadamuridagun Gefentiñu Luagu Heowá . “Wíderaguniña wíbirigu lun hínsiñehabu hamá, luma lun hadügüni le buídubei, [...] ru wamá gurasu houn.” (Ebüréu 10:24, 25.)
Ídeha lun lakipurun wadagimanu le lánina Larúeihan Bungiu. “Lunti líchugun kada aban hídangiñe, keisi lasandiruni tidan lanigi; mama lau magundani ni ladüga lariñawagún hun lun híchugun, lugundun hínsiñehabuti Bungiu lun le íchugubei lau ugundani.” (2 Korintuna 9:7.)