Ínsiñeni lébunabei umadaguaü. Eibume hafurendeirun luagu Heowá wéiritimabei lahínsiñedun hun. Dan le awéirideina lan línsiñe Bungiu hun awéirideina lubagiñe ayumahani lun haseriwiduni. Katei le lánhingichubon hanigi lun hadügün lánime Hesusu disipulu (Matéu 28:19). Gayarabei hagundaarun lau umadaguaü luma Bungiu lun súnwandan ánhadün óundara hamá familia gundatiña le hani Gefentiñu luagu Heowá. Ka lunbei hadügüni?

Arufuda huméi hínsiñe lan Bungiu hun lau gaganbadi lun lilurudun. “Ladügǘniwa le lubeibei Bungiu, ligía ínsiñehabunibei lun; ani ménrenguti lagunfulirúniwa lugumadin.” (1 Huan 5:3.)

Adüga huméi le hafurendeirubei. Abahüdaguati Hesusu aban hénpulu lun larufuduni saminaü le. Aban wügüri le chubei aau bunalumutu luban ligibuagu dübü, ani aban wügüri ibidiougua tau bunalumutu luban ligibuagu sagoun. Danle liábin aban óunwenbu huya, muna to ábunubun ligibuagu dübü méiguaduntu, anhein to ábunubun ligibuagu sagoun ma lanarime tabürühan. Erengati Hesusu ha lan gürigia ha aganbubani larufudahan ítara haña keisi wügüri le chubei aau le adügübanu luban ligibuagu dübü. Erengati giñe ha lan aganbubani larufudahan ani madügün hamuti ítara haña kei wügüri le adügübarun luban ligibuagu sagoun. Ka hádangiñe wügüriña ha busén humá henege lan? (Matéu 7:24-27.)

 Deregegua humá hungua lun Bungiu. Gayarati hadügüni afurieida lun Heowá lun herengun lun luagu busén humá hagunfulirun lau lugundan lun súnwandan. Anhein wadüga lugundan Bungiu, arufuda wamuti lani wamá Hesukrístu disipulugu (Matéu 11:29).

Badisei humá. “Badiseibá hemenigiñu luagu Wabureme lun lachibuni bifigoun.” (Adügaü 22:16.)

Seriwi humá lun Bungiu súnsuinagubei. “Sun le hadüga, adüga huméi lau lubuidun iderebugu, kama hamuga lun Wabureme, mama houn wügüriña.” (Kolosana 3:23, RVA).