Lun gamadagua wamá luma Bungiu, mosu wasubudiruni. Subudi hamuti wamadagu wiri yusu hamuti giñe, adián? Busenti giñe Bungiu lun wasubudiruni liri yusu wameime. Heowá líribei Bungiu (Sálumu 83:18, Reina-Valera Actualizada, 1989 [RVA]; Matéu 6:9). Gama lumoun, mosu wasubudiruni le hínsiñebei lun luma le mínsiñebei, subudi waméime kátaña lan lumadagubaña luma kátaña lan láganiñubaña. Keiti barǘ lubéi dan lun wasubudirun buidu aban gürigia, terenga Bíbülia chu lan hau ha asagarubaña dan lun hasubudiruni Heowá (Éfesuna 5:15, 16).

Ha lumadagu Bungiu adüga hamuti le hínsiñebei lun. Samina humá hawagun humadagu. Lun hamuga hóuseruniñu wuriba adüga hugía katei le mínsiñebei houn, hasigiruba hamuga humadagume? Uá! Ítarameme liña, anhein busén wabéi lumadagu wamá Bungiu, mosu wadügüni le hínsiñebei lun (Huan 4:24).

Míderagun lumutiwa sun relihión adüga umadaguaü luma Bungiu. Hesusu, le lumada Bungiu le buitimaabei, adimurehati luagu biama émeri. Aban dabubereti buin liña hau gürigia. Émeri ligía anügübei lidoun féridiguaü o óunweni. Le aban bürüraüti míbetiña gürigia ñüdüntiña lídangiñe. Émeri ligía anügübei lidoun ibagari le magumuchaditi. Le lilabei le, anhein lan busén wabéi umadaguaü luma Bungiu, mosu wasubudiruni ida luba lan wáhuduragun lun (Matéu 7:13, 14).