BADISEI. Ánheingubeirügü ariñawagúa amu katei, ligirúba haláü burí le ligibugiñebei plataforma habá ha lúnbaña habadiseirun. Lunti hañuurun ha lúnbaña habadiseirun ñein lubaragiñe latatirun yanu le lánina badisei samudi binaafin. Mosu lanügünu kada aban hádangiñe lituayan tuma aban ágawagülei to gadünamatu lun ókaasion le.

BUDAGIA. Yúsuwaali saragu seinsu lun ñein lan haláü buiti, katei burí le ídehabei lun waganbuni programa buidu, warihin bidéu luma amu burí katei le ídehabei lun buidu lan wasandiragun woungua lidan adamurini le, yarafatima wamaamuga lun Heowá. Ídehati budagia le híchugubei lun lafayeirún sun le luma lun lamainirúniwa wadagimanu lánina apurichihani le adügǘbei lidan sun ubóu. Lun ménrengun lan hun hídehan, anuhein burí gafu lidan saragu fulasu ya to uáguboun bürüwañu lan luntu lan budagia. Gayaraati giñe híchugun hani budagia lau hebelurun lidoun páhina donate.pr418.com. Óunwenbu seremei luagu sun budagia le híchugubei. Busentiña giñe lílana Sétanu le Arihibei lau Hawadigimari Gefentiña luagu Heowá híchugun seremei hun luagu hídehan ítara lun lawanserun luadigimari Larúeihan Bungiu.

ESERIWIDUNI LAU GUNDAÜ. Anhein busén hubéi hídehan lidan wadagimanu le adügǘbei lidan adamurini le, chülǘ humá lidoun Departamentu lánina Ariñahani luma Eseriwiduni lau Gundaü.

HALÁÜ. Amuriahatiwa fulesei huma lun hasaminarun hawagun ha híbiri. Haritagua huméi gayara lan hareidun haláü habaarügü meni hiduheñu, ha aweiyasuhabaña huma tidan tuguyaméme karü, ha awinwandubaña huma húbiñe luma habá ha aturiahabarun Bíbülia huma. Mígira humá ni kata luagu somu haláü anhein úabei lubéi añuuruti luagu.

ÍDEHATIÑA. Gayaraabei híderagunün ídehatiña. Sigí huméi sun adundehani le lunbei híchuguni hun libügürü tamuñeirun karü, halíagiñeba lan héibuga, luagu lareidún haláü luma amu burí katei.

ÍLAGU EFERIDIRUTI. Anhaün adarira somu ílagu le féridiwaali, barǘ huméi lidoun Departamentu le Arihibei lau Ílagu Eferidiruti. Anhein féridihadün lubéi somu katei, heiba áluahei ñein. Lunti giñe hanügǘn irahüñü ha eferidirutiña hawéi hagübürigu lidoun departamentu le. Gama lumoun, mama lun hounigirún irahüñü ladügǘwa departamentu le. Amuriahatiwa fulesei huma lun hetenirun houn hirahüñü ani kipu humaña húmagua sun dan.

LETENIRÚN HOUN ASANDIRUTIÑA. Gabaroun huméi lúnrügüba lan sandi le sódiniti lagaranihóua lidan departamentu le.

Leskuela houn Apurichihatiña Larúeihan Bungiu

Agunbirahóutiña prekursorugu ha gúnfulihaña lúmagiñe 23 darí 65 irumu, ha busentiña haganwoundagüdüni heseriwidun, lun hachülürün lidoun adamuridaguni le lunbei ladügǘn dimaasu rábounweyu houn sun ha busenbaña houdin tidan leskuela to. Lariñawagúba luéigiñe plataforma kaba lan oura ani halíaba lan ladügǘwa adamuridaguni le.