BADISEI. Ánheingubeirügü ariñawagúa amu katei, ligirúba haláü burí le ligibugiñebei plataforma habá ha lúnbaña habadiseirun. Lunti hañuurun ha lúnbaña habadiseirun ñein lubaragiñe latatirun yanu le lánina badisei samudi binaafin. Mosu lanügünu kada aban hádangiñe lituayan tuma aban ágawagülei to gadünamatu lun ókaasion le.

BUDAGIA. Yúsuaali saragu seinsu lun ñein lan haláü buiti, katei burí le ídehabei lun waganbuni programa buidu, warihin bidéu luma amu burí katei lun buidu lan wasandiragun woungua, lúntima wayarafadun lun Heowá. Ídehati budagia le híchugubei lun lafayeirún sun le luma lun lamainirúniwa wadagimanu lánina apurichihani lidan sun ubóu. Lun ménrengun lan hun lun hídehan, anuhein burí gafu to luntu budagia lidan saragu fulasu ya. Gayaraati giñe híchuguni hani budagia luéigiñe Internet lau hebelurun lidoun donate.pr418.com. Óunwenbu seremei luagu híchigadi. Busentiña lílana Sétanu le Arihibei lau Hawadigimari Gefentiña luagu Heowá híchugun seremei hun luagu hídehan ítara lun lawanserun luadigimari Larúeihan Bungiu.

ESERIWIDUNI LAU GUNDAÜ. Anhein busén hubéi hídehan lidan wadagimanu le adügǘbei lidan adamurini le, chülǘ humá lidoun Departamentu lánina Ariñahani luma Eseriwiduni lau Gundaü.

HALÁÜ. Samina humá hawagun ha híbiri. Haritagua huméi gayara lan hareidun haláü habaarügü meni hiduheñu, ha aweiyasuhabaña huma tidan karü, ha awinwandubaña huma húbiñe luma habá ha aturiahabarun Bíbülia huma. Mígira humá ni kata luagu somu haláü anhein úabei lubéi añuuruti luagu.

ÍDEHATIÑA. Gayaraabei híderagunün ídehatiña. Falá huméi sun adundehani le híchugubei hun libügürü tamuñeirun karü, halíagiñeba lan héibuga, lareidún haláü luma amu burí katei.

ÍLAGU EFERIDIRUTI. Anhaün adarira somu ílagu le féridiwaali, barǘ huméi lidoun Departamentu le Arihibei lau Ílagu Eferidiruti. Anhein féridihadün lubéi somu katei, heiba áluahei ñein. Lunti giñe hanügǘn irahüñü ha eferidirubaña hawéi hagübürigu lidoun departamentu le. Gama lumoun, lun másügürün humá lídangiñe idiheri le, teni humá houn hirahüñü ani kipu humaña húmagua sun dan.

LETENIRÚN HOUN ASANDIRUTIÑA. Gabaroun huméi lúnrügüba lan sandi o buleseiti le sódiniti lagaranihóua lidan departamentu le.