Satanási hama lumáfianu mamañounrun habaña gürigia luagu saragu dan. Bugalaaña Heowá siélugiñe. (Arufudúni 12:9.) Yarafa memeli dan lunya larufuduni Bungiu lubafu kóntüra Satanási hama lumáfianu. Lidan aban arufudúni lúmagiñeti Bungiu, aba lerengun apostolu Huan: “Aba narihin aban ánheli lararirun siélugiñe lau ligelein fusu le mébehabei, luma aban óunwenbu güringüri lúhaburugu. Aba lárügüdüni ánheli ligía düragón, le binadu hewe, le Máfiabei le Satanási, aba lagüraguni luagu milu irumu. Aba láguruni lidoun fusu le mébehabei le ñein lubéi ladaürei. Aba líchugun aban seyu luagu bena lun meyeehandigia laaña lan néchanigu darí lásügürün milu irumu”. (Arufudúni 20:1-3.) Murusun dan lárigiñe lira, ábame lagumuchún lau mafia hau sun lumáfianu lun súnwandan. (Arufudúni 20:10.)

Lagumuchuba giñe hau gürigia wuribatiñu Ubouagugiñe. (Sálumu 37:9, 10; Lúkasi 13:5.)

Lárigiñe lagidarún Satanási hama lumáfianu lídangiñe üma, ábame lanügün Heowá bandi abinirúni houn gürigia. Haritagua huméi ha lan hilaaña mabagari hamá, gumuguaña. Kompararü lumuti Hesusu óunweni luma arumuguni... aban idabagu huliliti mauénedüga. (Huan 11:11-14.) Adüga lumuti lira ladüga subudi lani lachülürüba lan dan lun hagagudahounua ha arumugubaña lidan óunweni lidoun ibagari. Erengati: “Lachülürüba dan lun haganbuni sun hilaguaaña  [...] ábame háfuridunga lídangiñe hamúaha”. (Huan 5:28, 29; Kompararü huméi luma Adügaü 24:15.)

Hagiribudagüdawaba lun habagaridun ya Ubouagu. Lubaragiñeme uganu le ichugúbei hawagü gürigia ha hilaañabaña, ñeinbei ñunsu lánina ugundani le lunbei ladimurehan kátaña lan águyugubaña lídangiñe óunweni! Wéiribei ugundani lichugún lubuidun áchülürüni houn waduheñu ha hínsiñebaña woun ha agiribudubaña lídangiñe umúahaü!