Lagumuchuba Heowá súnsuinagubei lau sun wuribati le ladügübei Satanási. Heowá adügübalin Hesusu Urúeime ligibuagu sun Ubóu. Lábugiñe larúeihan, ladügǘba Ubóu paraísume. (Danieli 7:13, 14; 2 Féduru 3:13)

Le asigirubei arufuda lumuti le füramase lubéi Heowá.

• LÍBEHABU ÉIGINI: “Ru laali múa lin; biní láadiwa Wabungiute!”. “Ñeinlá saragu türigu fulasurugu, gibelá türigu lábulugu burí wübü!” (Sálumu 67:6; 72:16.)

• ÚAALIME WURIBU: “Higougu harihei katei wéinamuti le burí ladügübei Aburemei ubouagu: Gumuguagüdalá wuribu chülǘ lumoun lagumuhóun larigeirugu ubóu”. (Sálumu 46:8, 9.)

• ÚAAÑAME GÜRIGIA WURIBATIÑA: “Habugúba wuribatiña fulasurugugiñe [...] Málühaña ánhaña ua wuribatiña, gayaraabei báluahaniña, ani madaribubaña”. (Sálumu 37:9, 10.)

• ÚAALIME SANDI, NI IGARIGU NI ÓUNWENI: “Ábameti haganbun ha maganbunbaña ariha hagíame ha marihinbaña; hachubahaba ha méibugunbaña kei usari, hagúarahaba ha mariñagadibaña”. (Isaíasi 35:5, 6.)

  “Búngiumemeba hama lun ligía lan Habungiute. Laragahabei sun háguira; úaalime óunweni ni ayahuni ni íruni ni igarigu, ladüga sügüha  furumiñeti burí katei.” (Arufudúni 21:3, 4.)

Maweiyasunti Heowá eyeeha, mítaranti kei Satanási hama lumáfianu. Sun le füramase lubéi mosu lagunfulirun. (Lúkasi 1:36, 37.) Hínsiñetün lun Heowá ani busenti lun hawinwandun lidan Paraísu le lunbei ladügüni. Ligíati, adimureha humá hama gefentiñu luagu Heowá lun laganwoundun hufurende luagu lubuidun burí inarüni le tídanbei Lererun Bungiu. Anhein hawinwanda inarüni, lalíbürerubadün luéi iyeeni ladüga luan subudi, luma luéi afiñeni burí le siñati lafuranguagüdünua lau resun. Lachülürüba dan, lun halíbürerun íbini luéi figóu luma óunweni. Kei lerenguni Hesusu: “Ábame hasubudiruni inarüni, ábame [“lalíbürerünun inarüni”, RVA]”. (Huan 8:32.)